Lokal administrativ Unitéit
(Virugeleet vu(n) LAU)
|
LAU ass eng Weiderleedung op dës Säit. Fir aner Bedeitunge vun deem Numm, kuckt wgl. ënner LAU (Homonymie) |
D'lokal administrativ Unitéit (gekierzt LAU, original am Engleschen: Local Administrative Unit) ass en hierarcheschen Niveau vum Eurostat, dem europäeschen Institut fir Statistik.
D'lokal administrativ Unitéite gëllen am ganze Wirtschaftsraum vun der Europäescher Unioun an erméiglechen eng eendeiteg Identifikatioun a Klassifikatioun vun de raimleche Referenzunitéite fir déi offiziell Statistike vun de Memberstaaten. Se sinn d'Haaptkomponente vun den NUTS-Regiounen, déi och vum Eurostat definéiert goufen. Op lokalem Plang goufen zwéin Niveaue fir d'LAUe festgehalen:
- LAU1: lokal administrativ Unitéit vum éischten Niveau, fréier NUTS4, dee fir déi meescht Länner definéiert ass;
- LAU2: lokal administrativ Unitéit vum zweeten Niveau, fréier NUTS5, deen d'Gemeng oder eng gläichwäerteg Unitéit an den EU-Memberstaaten festleet.
D'LAU-Codë fir Lëtzebuerg setze sech aus dem LAU1 fir déi 12 Kantonen an dem LAU2 fir déi eenzel Gemengen zesummen.
| Prefix | LAU | Kanton | Gemeng |
|---|---|---|---|
| LU | 0101 | Capellen | Dippech |
| LU | 0301 | Lëtzebuerg | Bartreng |
| LU | 0304 | Lëtzebuerg | Lëtzebuerg |
| LU | 1207 | Réimech | Stadbriedemes |
Um Spaweck
[änneren | Quelltext änneren]- D'LAUen op data.public.lu (gekuckt den 2. Dezember 2024)