Gemeng Stadbriedemes
| Gemeng Stadbriedemes | |
|---|---|
 | |
 d'Märei vu Stadbriedemes | |
| Aussprooch | |
| An anere Sproochen |
fr: Stadtbredimus de: Stadtbredimus |
| Land | Lëtzebuerg |
| Kanton | Kanton Réimech |
| Gemeng | Kanton Réimech |
| Chef-lieu | Stadbriedemes |
| Buergermeeschter | Robert Beissel |
| Awunner | 2.023 |
| 1. Januar 2026 | |
| Fläch | 986,1112 ha |
| Héicht | 147 m |
| Koordinaten |
49° 33’ 50’’ N 6° 21’ 50’’ O |
| LAU-Code | LU1207 |
| Websäit | https://www.stadtbredimus.lu/ |
|
| |
 | |
D'Gemeng Stadbriedemes ass eng vun den 100 lëtzebuergesche Gemengen. Se läit am Kanton Réimech. De Chef-lieu vun der Gemeng ass d'Uertschaft Stadbriedemes vun där se och hiren Numm huet.
Geographie
[änneren | Quelltext änneren]Stadbriedemes läit op der Musel, vis-à-vis vum däitsche Palzem.
Nopeschgemengen
[änneren | Quelltext änneren]
Uertschaften a Lieu-diten an der Gemeng
[änneren | Quelltext änneren]Uertschaften
[änneren | Quelltext änneren]Häff a Lieu-diten
[änneren | Quelltext änneren]Geschicht
[änneren | Quelltext änneren]Wéi d'Musel kanaliséiert gouf, hunn Aarbechter, do wou haut d'Staustuf steet, Iwwerreschter vun enger réimescher Bréck fonnt. Analysen hunn erginn, datt déi Bréck méi al wéi Tréier ass.
Méi Informatioun doriwwer am Artikel: Monument Réimerbréck zu Stadbriedemes.
Sou goungen d'Réimer bei Stadbriedemes iwwer eng Fuert aus Gestengs, op déi aner Säit vun der Musel, wann de Floss niddreg war. Bei héijem Waasser hu si Pontone benotzt. Fir déi viru Feinden ze beschützen hate si, op der Plaz vum spéidere Schlass, e befestegten Tuerm opgeriicht.
1857 gouf op der "Rauknupp" e réimesche Kierfecht mat Kréi, Mënzen, Schosselen a soss Geschier fonnt.
Am 8. Joerhonnert huet de Pippin de Jonken den Haff Réimech, zu deem och Stadbriedemes gehéiert huet, der Abtei Sankt Maximäin vun Tréier geschenkt. Méi spéit goung den Haff un d'Abtei vu Prüm.
1602 gëtt fir d'éischt an Dokumenter den Numm "Stadtbredimus" ernimmt, virdru war et ëmmer "Bredeniss" oder "Bredimus". De Johann von Wiltz war den Här vu Stadbriedemes. No sengem Doud gouf säi Grondbesëtz an zwee gläich Deeler opgedeelt. Ee vun hinnen huet de Freiherr von Braubach kaaft, vun deem aneren Deel gëtt et weider keng Informatioun.
1670 koum Stadbriedemes an de Besëtz vun der Famill Meternich-Burscheid.
D'Gemeng Stadbriedemes ass, wéi déi meescht aner Gemengen am Land, ënner dem franséische Regimm entstanen, de facto den 1. Oktober 1795, wéi mat der Aglidderung an d'Bëscherdepartement och déi franséisch Gemengegesetzgebung zu Lëtzebuerg applikabel gouf. Och no der Grënnung vum Groussherzogtum Lëtzebuerg, 1814/15, sinn d'Gemenge weiderhin als lokal Verwaltungseenheeten erhale bliwwen.
Ursprong vum Numm
[änneren | Quelltext änneren]Den Numm Stadtbredimus kënnt vum Keltesche "Bre - den - Es", dat sou vill wéi "iwwer dem Waasser héije Buedem" heescht a "Stad" wat de selwechte Sënn wéi "Uwänner" (vun der Musel, an dësem Fall) huet.
Wopen
[änneren | Quelltext änneren] |
Beschreiwung am Originaltext: d'or à deux portes d'écluses entr'ouvertes de sable, sur une terrasse ondée d'azur et d'argent de cinq pièces, au chef de gueules chargé de trois ceps fruités sur échalas, le tout d'or |
Demographesch Entwécklung
[änneren | Quelltext änneren]
Quell: STATEC – Population par canton et commune, automatesch vu Wikidata agebonnen.
Politik
[änneren | Quelltext änneren]De Gemengerot vun der Gemeng Stadbriedemes gëtt nom Majorzsystem gewielt.
Buergermeeschteren
[änneren | Quelltext änneren] Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
- 1843 – 1849: P. Krieps[3]
- 1849 – 1867: J. Siebenaler
- 1867 – 1870: Edmond de la Fontaine
- 1870 – 1873: N. Beißel
- 1873 – 1879: M. Frieden
- 1879 – 1890: J. Kirch-Bley
- 1890 – 1902: J. Kieffer-Wintringer
- 1902 – 1908: N. Frieden
- 1908 – 1918: Anton Beissel
- 1918 – [≥1934]: Mich. Goldschmit[3]
- ...
- 1988 – 2011: Jeannot Bonifas
- 2011 – 2023: Marco Albert
- zanter 2023: Robby Beissel
Interkommunal Syndikater
[änneren | Quelltext änneren]D'Gemeng Stadbriedemes ass Member vu follgenden interkommunale Syndikater:
Kuckeswäertes
[änneren | Quelltext änneren]- Schlass Stadbriedemes: do huet den Edmond de la Fontaine gewunnt. D'Wënzergenossenschaft Domaines de Vinsmoselle huet hire Sëtz am renovéierte Schlass.
- De Kulturpad genannt "Sentier culturel Stadtbredimus".
- Dem Dicks säi Graf bei der Kierch.
- Dem Batty Weber säi Wunnhaus, d'Haus Heemecht.
- Staustuf Stadbriedemes-Palzem, eng vun zwou Staustufen zu Lëtzebuerg.
- Monument Réimerbréck bei der Staustuf Stadbriedemes-Palzem.
- Monument fir de Paul Eyschen, de fréiere Wäibauminister, laanscht d'Musel zu Gréiwemaacher zou.
Biller
[änneren | Quelltext änneren]
Dem Batty Weber säin Haus Heemecht
Graf vum Dicks
Steierbréck vun der Staustuf Stadbriedemes-Palzem
Kierch Stadbriedemes
Altor an enger Kapell laanscht d'Muselstrooss
Panneau vum Kulturpad
Kuckt och
[änneren | Quelltext änneren]
Um Spaweck
[änneren | Quelltext änneren] |
Commons: Gemeng Stadbriedemes – Biller, Videoen oder Audiodateien |
Referenzen
[Quelltext änneren]- ↑ Dës Informatioun gëtt automatesch vu Wikidata agebonnen.
- ↑ STATEC - Population par canton et commune. STATEC - Population par canton et commune. Institut national de la statistique et des études économiques. Gekuckt de 27. Juli 2026.
- 1 2 Die Bürgermeister im Distrikt Grevenmacher. 1843 – 1933. In: Obermosel-Zeitung, 54. Jg., nº 93, Zweites Blatt (21.04.1934), p. 1 [Digitised by the National Library of Luxembourg].