Batty Weber

Batty Weber
Batty Weber
Gebuer	25. November 1860; Rëmeleng
Gestuerwen	15. Dezember 1940; Lëtzebuerg
Nationalitéit	Lëtzebuerg
Educatioun	Athénée de Luxembourg,; Universitéit Bonn
Aktivitéit	Journalist, Schrëftsteller, Feuilletonist, Dichter
Famill
Bestuet mat	Emma Weber-Brugmann, Appoline Sachs
Kanner	Paula Johanna Weber, Heinz Weber

Dësen Artikel iwwer en Auteur ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

*Dem Jabo seng Kaap* (Ufank) an der Schreifweis vun 1946.

De Batty (Jean-Baptiste) Weber, gebuer de 25. November 1860 zu Rëmeleng, a gestuerwen de 15. Dezember 1940 an der Stad Lëtzebuerg, war e lëtzebuergesche Schrëftsteller, Journalist, Feuilletonist.

Liewen

Hie war de Jong vum Schoulmeeschter Michel Weber an der Marie-Catherine Klein vu Fréiseng. De Batty Weber ass zu Rëmeleng an der Grouss-Strooss Nr. 82 op d'Welt komm an zu Stadbriedemes opgewuess.

1888 huet hie sech mat der Appoline "Lina" Sachs bestuet. Si ass 1901 gestuerwen. Zesummen hate si eng Duechter, d'Paula Johanna (1888-1971). 1904 huet hie sech du mat der Emma Brugmann bestuet, mat där zesumme si e Jong haten, den Heinz (1905-1970). 1934 hu si sech zu Stadbriedemes en Haus, d'Haus Heemecht, gebaut.

De Batty Weber ass um Nikloskierfecht um Lampertsbierg begruewen.

Dem Batty Weber säin Haaptwierk besteet aus iwwer 7.050 Texter, déi tëscht dem 25. September 1913 an dem 17. Dezember 1940 an der liberaler Luxemburger Zeitung an der Feuilletonserie Abreißkalender publizéiert goufen.

1909 huet de Batty Weber de Begrëff vun der Mischkultur fir d'Lëtzebuerger Gesellschaft ze beschreiwen, an d'Welt gesat.

Hie war Éierepresident vun der Assoss a President vun der Association luxembourgeoise des journalistes.

Wierk (Auswiel)

1882: Mein Freund Gunther
1889: Bella Ghita
1890: Hart am Abgrund
1891: Der Amerikaner
1891: Verderberin
1898: De Schĕfer vun Aasselburn. Letzeburger Vollécksstéck a vĕer Akten. En Trauerspill mat als Hannergrond de Klëppelkrich mam Schéifermisch
1909: Über Mischkultur in Luxemburg. Beilage der Münchner Neuesten Nachrichten: 121-124.
1912: Fenn Kaß
- Nei erausginn: Fenn Kaß. Der Roman eines Erlösten. Vorgestellt und kommentiert von Josiane Weber. Mersch: Centre national de littérature, 2001. ISBN 2-919903-03-9.
1915 D'Wonner vu Spéisbech. Operett a 4 Akten.
1922 Nick Carter auf dem Dorf
1906: Le Lasso. Drama an dräi Akten. Gouf den 19. September 1922 zu Paräis am Théâtre de l'Œuvre ënner der Regie vum Lugné-Poe opgefouert.
1923 Der Inseltraum
1926 Hände

Nom Batty Weber genannt

Batty-Weber-Präis, e Lëtzebuerger Literaturpräis.
Stroossen an der Stad, zu Esch, Bartreng, Bäreldeng, Déifferdeng, Diddeleng, Péiteng, Rëmeleng, Sandweiler an eng Plaz zu Stadbriedemes.

Illustratiounen

Gebuertshaus zu Rëmeleng
D'Haus Heemecht zu Stadbriedemes
Batty-Weber-Grafplack um Nikloskierfecht

Literatur

Kieffer, Marcel, 2017. Batty Weber (1860-1840). Er war ein moderner Denker. Die Warte 14|2543 vum 4. Mee 2017, S. 4-5.
Millim, Anne-Marie: 2017, Batty Weber: Werk und Wirkung / hrsg. von Anne-Marie Millim, Éd. Centre national de littérature, Mersch, ISBN 978-2-919903-56-6
Kmec, Sonja: Batty Weber und das Konzept der „Mischkultur“: ein Vorgriff auf die heutige Interkulturalitätsdebatte, in: Komponistinnen in Luxemburg. Helen Buchholtz und Lou Koster, herausgegeben v. Danielle Roster und Melanie Unseld (Wien / Köln / Weimar: Böhlau, 2014), p. 39-58.
Meintz, Claude: Batty Weber - Bibliographie 1882-2002, Lëtzebuerg 2003.
Kremer-Schmit, Sylvie: Repertorien zum "Abreißkalender" 1913-1940 von Batty Weber. Archives nationales, Collection inventaires, Luxemburg 2002, 2 Bd., 389 + 378 S.
Marson, Pierre, 2007. Weber, Batty (Jean-Baptiste). S. 640-641 in: Goetzinger, Germaine & Claude D. Conter, zesumme mat Gast Mannes, Pierre Marson, Roger Muller, Nicole Sahl, Sandra Schmit a Frank Wilhelm, 2007. Luxemburger Autorenlexikon. 687 S. Publications nationales du Ministère de la culture. Centre national de littérature, Mersch. ISBN 978-2-919903-06-1.
Marson, Pierre, 2015. Zoom auf das Luxemburger Literaturarchiv. Batty Weber - der Autor im Spiegel seines Nachlasses. - Die Warte 31|2488 vum 12. November 2015, S. 2-3.
Weber, Batty, 1999. Abreisskalenderblätter von 1913 - 1940 mit historischen Photos. [Einführungstext: Cornel Meder ; Red. und Bildrecherche: Christiane Wagner] Luxemburg: G. Binsfeld, 143 p. ISBN 2-87954-062-3.

Kuckt och

Um Spaweck

Commons: Batty Weber – Biller, Videoen oder Audiodateien

Den Abreißkalender online op der Websäit vun der Uni Lëtzebuerg
Hilgert, Romain: 7 055 altbackene Betrachtungen über Gott und die Welt, D'Lëtzebuerger Land vum 2. August 2002
Sylvie Kremer-Schmit: Zum 50. Todestag von Batty Weber, ons stad, Nr 35, Dezember 1990, S. 26-28