Marie vun der Bourgogne

Vu Wikipedia
(Virugeleet vu(n) Marie de Bourgogne)
Wiesselen op: Navigatioun, sichen
D'Marie vun der Bourgogne, Portrait vum Michael Pacher (ëm 1479).

D'Marie vun der Bourgogne (och alt Marie, resp. Maria vu Burgund; fr.: Marie de Bourgogne), gebuer den 13. Februar 1457 zu Bréissel a gestuerwen de 27. Mäerz 1482 zu Bruges, war vu 1477 un Herzogin vun der Bourgogne an Herrscherin iwwer all déi Territoirë vum Haus Burgund (dorënner d'Herzogtum Lëtzebuerg), déi se g'ierft hat. Duerch hiert Bestietnes mam Maximilian vun Habsburg, dee spéiderhi réimesch-däitsche Keeser gouf, ass d'Haus Bourgogne un d'Haus Habsburg iwwergaangen.

D'Marie war dat eenzegt Kand vum burgundeschen Herzog Karel dem Kéngen an deem senger zweeter Fra, der Isabelle, der Duechter vum Charles I. vu Bourbon).

Wéi hire Papp de 5. Januar 1477 an der Schluecht bei Nancy géint d'Schwäizer, déi mat Frankräich alliéiert waren, ëm d'Liewe koum, huet d'Marie vun him d'Burgundescht Räich g'ierft, zu deem nieft dem Herzogtum Bourgogne och nach d'Nidderlanden (ë. a. Flandern, d'Brabant, d'Lëtzebuerg, d'Herzogtum Gelderen, an d'Grofschaften Artois, Holland a Zutphen) gehéiert hunn.

Fir u Finanzen an Truppen fir hire Kampf géint d'Fransousen ze kommen, huet d'Marie den 11. Februar 1477 den Nidderlanden de sougenannte Grousse Privileg accordéiert, deen hinnen d'Recht op eng gewëss Autonomie gouf. Am August 1477 huet si, géint de Wëlle vun de Stänn, de Maximilian vun Éisträich aus dem Haus Habsburg bestuet. Hie gouf spéiderhi vu 1486 u Kinnek, a vu 1508 u Keeser (als Maximilian I.) Grond fir dës Unioun war d'Hoffnung, ze Verhënneren, datt de franséische Kinnek Louis XI. (deen hiren Dafpätter war) sech déi burgundesch Ierfschaft kéint kropen.

D'Marie ass bei der Gebuert vun hirem véierte Kand, dat dout op d'Welt koum, gestuerwen.

De Fait, datt domat d'Bourgogne an déi aner Territoiren déi dozou gehéiert hunn, 1482 un Habsburg goungen, huet an de Joren duerno ëmmer nees zu Konflikter mat Frankräich gefouert. An den Nidderlanden gouf de Philipp de Schéinen hiren Nofolger. Hiert Graf ass an der Kierch Notre-Dame vu Bruges.

Kanner[änneren | Quelltext änneren]

De Maximilian I. a seng Fra Marie.

D'Marie vun der Bourgogne hat mat hirem Mann, dem spéidere Keeser Maximilian I., dräi Kanner:

  1. ∞ 1497 Juan vun Aragón a Kastilien (1478–1497 Prênz vun Asturien);
  2. ∞ 1501 Philibert II. (1480–1504) Herzog vun der Savoie
  • Franz (*/† 1481)

Literatur[änneren | Quelltext änneren]

  • Thea Leitner: Habsburgs Goldene Bräute. Durch Mitgift zur Macht. Piper, München 2005, ISBN 3-492-23525-5.
  • Carl Vossen: Maria von Burgund. Des Hauses Habsburg Kronjuwel. Seewald Verlag, Stuttgart 1982, ISBN 3-512-00636-1.

Um Spaweck[änneren | Quelltext änneren]

Commons: Mary of Burgundy – Biller, Videoen oder Audiodateien