Martin John Rees

Martin John Rees
Martin John Rees
Gebuer	23. Juni 1942; York
Nationalitéit	Vereenegt Kinnekräich
Educatioun	Trinity College,; Shrewsbury School,; Universitéit vu Cambridge
Aktivitéit	Physiker, Astronom, Politiker, Universitéitsprofesser, Astrophysiker, Kosmolog
Member vun	Royal Society, Norwegesch Akademie vun de Wëssenschaften, Accademia Nazionale dei Lincei, National Academy of Sciences, Schweedesch Akademie vun de Wëssenschaften, Peepstlech Akademie vun de Wëssenschaften, Russesch Akademie vun de Wëssenschaften, American Academy of Arts and Sciences, Koninklijke Nederlandse Akademie van Wetenschappen, American Philosophical Society, International Society for Science and Religion, Academia Europaea, International Astronomesch Unioun

De Martin John Rees, Baron Rees of Ludlow OM, PRS, gebuer den 23. Juni 1942 zu York, ass e britteschen Astronom.

De Rees huet zu Cambridge studéiert an huet 1967 beim Dennis Sciama promovéiert. No Fuerschungsstatiounen a Groussbritannien an USA gouf hie Professer op der Sussex University. Vun 1973 bis 1991 war hie Plumian Professor zu Cambridge an huet an där Zäit fir 10 Joer den Institut fir Astronomie geleet.

De Rees ass zanter 1995 Kinneklechen Astronom (Astronomer Royal) an zanter 2004 Master vum Trinity College souwéi Professer fir Kosmologie an Astrophysik zu Cambridge.

Zanter November 2005 ass hie President vun der Royal Society.

De Rees huet bedeitend Bäiträg iwwer den Urspronk vun der kosmescher Hannergrondstralung, iwwer Galaxiëkéip an iwwer d'Galaxiëgebuert geliwwert. Hien huet zu deenen éischte Vertrieder gehéiert déi d'Virstellung haten, datt aktiv galaktesch Käre wéi z. B. Quasare duerch Matièreastréimung op Schwaarz Lächer ugedriwwe ginn an huet wichteg Aspekter vun hirer Physik beschriwwen.

Vum Rees staamt och eng Warscheinlechkeetsschätzung fir d'Iwwerliewenschance vun der Mënschheet an de kommenden 100 Joer. Dobäi kalkuléiert hien déi atomar Menace (1:3), Killerviren (1:10), béisaarteg Nano-Maschinnen (1:1.000), Deep Impact, also den Aschlag vun engem Asteroid (1:10.000) an dat lescht Experiment, dat feelschléit an d'Äerd zerstéiert (1:100.000).

Éierungen

1984: Dannie-Heineman-Präis fir Astrophysik
1987: Goldmedail vun der Royal Astronomical Society
1989: Karl-Schwarzschild-Medail vun der Astronomescher Gesellschaft
1989: Balzan-Präis
1992: Knight Bachelor
1993: Bruce Medail
1996: Science Writing Award vum American Institute of Physics fir „Gravity's Fatal Attraction. Black Holes in the Universe“
2000: Bruno-Rossi-Präis
2001: Gruber-Präis fir Kosmologie
2003: Petrie Prize Lecture
2004: Henry Norris Russell Lectureship vun der American Astronomical Society
2005: Crafoord-Präis zesumme mam James E. Gunn an dem James Peebles
2005: als Baron Rees of Ludlow, of Ludlow in the County of Shropshire zum Life Peer erhuewen
2007: Order of Merit
2011: Templeton-Präis
2012: Isaac-Newton-Medail

Wierker

Martin Rees (Hrsg.): Das Universum. Dorling Kindersley, München 2006, ISBN 3-8310-0946-5.
Unsere letzte Stunde. Bertelsmann, München 2003, ISBN 3-570-00631-X.
Das Rätsel unseres Universums. Beck, München 2003, ISBN 3-406-50900-2.
mit Mitchell Begelman: Schwarze Löcher im Kosmos. Spektrum, Akademie Verlag, Heidelberg, Berlin 2000, ISBN 3-8274-1044-4.
Vor dem Anfang. Fischer, Frankfurt am Main 1998, ISBN 3-10-062913-2.
mit John Gribbin: Ein Universum nach Maß. Insel, Frankfurt am Main 1994, ISBN 3-458-33279-0.

Um Spaweck