Pläitreng

Vu Wikipedia
Op d'Navigatioun wiesselen Op d'Siche wiesselen
Pläitreng
Pläitrengerhaff01.jpg
An anere Sproochen fr: Pleitrange
de: Pleitringen
Land Lëtzebuerg
Kanton Lëtzebuerg
Gemeng Coat of arms contern luxbrg.png Konter
Buergermeeschter Marion Zovilé-Braquet (CSV)
Koordinaten 49° 35’ 31’’ N
06° 16’ 46’’ O


De Pläitrengerhaff mat Wunnhaus

Pläitreng, oder Pläitrengerhaff, ass e Lieu-dit an der Gemeng Konter, deen aus engem Bauerenhaff an engem Wunnhaus besteet. E läit op der N28 ongeféier 1,5 km südëstlech vun Éiter.

Geschicht[änneren | Quelltext änneren]

Den éischten Haff, zu deem deemools 120 ha Terrain gehéiert hunn, gouf vun der Abtei St. Maximäin vun Tréier gebaut.

Un de Gebaier vum haitegen Haff sinn op d'mannst dräi Bauperioden z'erkennen.

Den Tuerm nieft dem Wunnhaus, dee sécherlech eelsten Deel vun den haitege Gebaier, léisst Stilelementer aus dem 17. Joerhonnert erkennen. D'Wunnhaus ass wahrscheinlech am 18. Joerhonnert entstanen.

An der franséischer Revolution gouf de Klouschterbesëtz konfiskéiert an un d'Famill Villeroy verkaaft, déi am 19. Joerhonnert déi haiteg Wirtschaftsgebaier baue gelooss huet.

1919 koum den Haff, zesumme mat sengen 70 ha Terrain, an de Besëtz vun der Famill Berg. 1929 gouf e vun der Famill Jungels, déi en haut (2008) nach féiert, opkaaft.[1] No 1995 goufen zwéi modern Ställ bäigebaut.

Literatur[änneren | Quelltext änneren]

  • Georges Calteux, 1997. D'Lëtzebuerger Bauerenhaus. Band 1: Ein Querschnitt durch das Wohnen und Leben im Großherzogtum Luxemburg. Éditions Phi & Kremer-Muller & Cie. 262 S. (S. 95: de Pläitrenger Haff) ISBN 2-919978-12-8.

Kuckt och[änneren | Quelltext änneren]

  • Bemierkenswäert Beem um Pläitrengerhaff:
zwou Lannen am Agank vum Haff
zwou Eeche beim Weier
Séisskäschtebam am Bongert
Zwéi Spirebeem am Bongert

Um Spaweck[änneren | Quelltext änneren]

Commons: Pläitreng – Biller, Videoen oder Audiodateien

Referenzen[Quelltext änneren]

  1. Calteux G. 1997