Redu

Redu
Land	Belsch
Regioun	Wallounien
Communautéit	Franséisch Communautéit
Provënz	Lëtzebuerg
Arrondissement	Neufchâteau
Gemeng	Libin
Koordinaten	50° 00’ 25.41’’ N       05° 09’ 36.65’’ O
Telefonszon	061
Postcode	6890
Websäit	https://www.redu-villagedulivre.be

Redu ass eng belsch Uertschaft a Sektioun an der Gemeng Libin an der Provënz Lëtzebuerg.

Bis zur belscher Gemengereform vun 1977 war Redu eng eegestänneg Gemeng déi aus den Uertschafte Lesse, Redu a Séchery bestanen huet. Dozou hunn nach follgend Häff a Lieu-dite gehéiert: Bonhé, Boucats, Bracantième, Champs des Fonds, Cortil là-haut, Fougères, Hamaide, Hérin, Hesse al Fosse, Molhan, Moranfosse, a Rot. Déi fréier Gemeng war 1823 gegrënnt ginn, a koum 1839 bei d'Provënz Lëtzebuerg.

Redu ass virun allem ënner dem Numm "Redu, village du livre" (Duerf vum Buch) bekannt. 1984 gouf am Bicherduerf nom waliseche Modell vun Hay-on-Wye den éischte Bichermaart um Kontinent ofgehalen, deen iwwer den Ouschterweekend 15.000 Visiteuren ugezunn huet. Haut gëtt et zu Redu eng 22 Bicherbutteker. All Joer kommen eng 200.000 Leit op Redu.

Zu Redu steet eng Antennestatioun vun der europäescher Weltraumorganisatioun. Si gehéiert zum ESTRACK, dem Netzwierk vun de Buedemstatioune vun der ESA. Am Nopeschduerf Transinne steet den Euro Space Center, dee Stagen an Aktivitéite proposéiert fir de Weltraum, d'Planéiten an d'Stären z'entdecken.

• Illustratiounen
• 
  Bicherbuttek zu Redu
• 
  Bicherfest 2002
• 
  Aquarell vun der Marie-Claire Lefébure
• 
  ESA Earth Station Redu
• 
  Al Primärschoul
• 
  Kierch

Um Spaweck

Commons: Redu – Biller, Videoen oder Audiodateien

• Internetsäit vum Bicherduerf Redu
• Offiziell Websäit vun der Gemeng Libin