René Hemmer (Museker)

René Hemmer
Gebuer	27. Dezember 1919 Rodange
Gestuerwen	9. September 2019 Zéisseng
Nationalitéit	Lëtzebuerg
Aktivitéit	Komponist, Dirigent, Trompettist, Cellist

De René Hemmer, gebuer de 27. Dezember 1919 zu Rodange, a gestuerwen den 9. September 2019 zu Zéisseng, war e lëtzebuergesche Museker a Komponist.

Liewen

Als Bouf huet hie geléiert Trompett ze spillen an ass mat 15 Joer an de Stater Conservatoire gaangen, mam Zil, fir Trompettist am Musekskorps vun der Fräiwëllegekompanie ze ginn. Hie koum dunn och an dee Korps, kuerz ier Lëtzebuerg den 10. Mee 1940 vun der Wehrmacht besat gouf.

An den éischte Méint no der Besatzung gouf et dunn nach just een Optrëtt vum Musekskorps, an am Dezember 1940 ass de René Hemmer du mat senge 45 Musekskomeroden an deenen anere Fräiwellegekompanisten, am Ganze 465 Mann, op Weimar bruecht gi fir do umgeschult ze ginn. No där Ëmschoulung koumen 100 Mann, dorënner d'Musikanten, zeréck op Lëtzebuerg, an de Réne Hemmer huet du wéi seng Kolleegen an däitscher Uniform am Musikkorps der Schutzpolizei, wéi hir Trupp du genannt gouf, musizéiert. Den 3. Juli 1944 gouf hien zu Tréier wärend enger Opféierung vun der Gestapo verhaft, well hie sollt Informatioune vun däitsche Stellunge gesammelt hunn. Obscho keng Beweiser géint hie virlouchen, koum hien an de Prisong an de Gronn, wou deemools Resistenzler an Deserteuren agespaart waren. Den 1. September 1944, wéi d'Alliéiert virun der Dier stoungen, sinn eng Partie Prisonéier entlooss ginn, dorënner de René Hemmer.

1948 huet den Hemmer säin éischt Stéck komponéiert, dat en doropshin drécken a verkafe wollt, mä ouni Erfolleg. Hien huet duerno d'Harmonie Rodange geleet, war Enseignant an der Péitenger Museksschoul a gouf éischte Clairon an der Militärmusek. An de Joren duerno sinn 21 Märsch, 17 Orchesterstécker an och 17 Kammermusekwierker entstanen.

Den Hemmer hat seng gréisst Erfolleger an den 1960er a 70er Joren, an eng Rëtsch vu senge Stécker gouf vum RTL Symphonieorchester opgeholl an am Radio gesent. Hien huet awer ni en Editeur fonnt, dee seng Wierker publizéiert huet - deels well him virgeworf gouf, seng Musek wär ze schwéier ze spillen.

1974 war hie Matgrënner vum Orchestre de chambre du Luxembourg.

Privates

De René Hemmer ass de 24. Mäerz 1943 zu Miersch mat der Anne Welter bestuet ginn; d'Koppel krut zwéi Jongen. De René Hemmer ass kuerz viru sengem 100. Gebuertsdag, am Summer 2019, gestuerwen.

Wierker

Weltlech Vokalwierker

• Rouselidd (Text: Marcel Reuland)
• Si kommen a si gin

Konschtlidder

• D'Princess Biesemstill: Märchen (Hörspiel) (Text: Félix Mersch)

Pianoskompositiounen

• Licht und Schatten = (Ombre et lumière): pour piano (1978 komp.)
• Scènes; Transkription der Scènes pour 15 instruments für Klavier vierhändig (1964 komp.)

Kammermusek

• Amplitude: trio pour flute, hautbois et clarinette si bémol (1978 komp.)
• Dédicace: A ma petite-fille Carine
• Bloc-notes für Streicher (1981 komp.)
• Chaîne de sons: flûte seule (1989 komp.)
• Con Ritmo für Trompete und Klavier (1976 komp.)
• Coup de dés (quatuor pour saxophones)
• Facetten, für Streicher, 2 Oboen, Fagott und 2 Hörner (1989 komp.)
• Fanfare für 3 Trompeten
• Flüchtig wie Wind und Welle: (quatuor a cordes) = Streichquartett (1984 komp.)
• Galerie d'Art; Quintett fur zwei Trompeten, Horn, Posaune und Tuba (1980 komp.)
• Intermede für Streichquintett oder Streichorchester (1976 komp.)
• Kryptos: musique pour 9 instruments (1969 komp.)
• Leichtes Blaserquartett für 2 Trompeten und 2 Posauenen
• Melos für Sopran-/Alt-Saxophon und vier Schlagzeuger
• Paraphrase für Streichorchester und Klavier (1983 komp.)
• Petite suite: pour quatuor de saxophones (1959 komp.)
• Petite Suite für drei Trompeten (1983 komp.)
• Quatrophone: flûte ut, clarinette, violoncelle, vibraphone (1994 komp.)
• Sinfonia da camera (1967 komp.)
• Six monologues rythmiques: pour clarinette si bemol et percussions (tambour, cymbale suspet bloc en bois) (1965 komp.)
• Skizze: violon et piano (1976 komp.)
• Solitaire: violoncelle solo (1995 komp.)
• Sonatina pour trois trompettes en si bemol (1974-1978 komp.)
• Suite concertante für Trompete (1983 komp.)
• Transformations: trio pour clarinette si bemol, violoncelle et piano (1972 komp.)
• Trio no 1 pour soprano, violon, violoncelle (1972 komp.)
• Triphthong: (Dreilaut): trio d'anches (hautbois, clarinette si bemol et basson)
• (1962 komp.) (MultigrRevue du manuscrit autogr.) ???

Orchesterwierker

• Deux miniatures: pour orchestre (1960 komp.)
• Le dernier jugement: tableau pour orchestre à cordes, saxTénor, cuivres et percussion (1960 komp.)
• Matière et formes: en 2 parties: pour grand orchestre symphonique (1987 komp.)
• Musique de Ballet pour élèves (1973 komp.)
• Musique pour orchestre: (op36) (1961 komp.)
• Nomquereine: solo pour trompette en ut et orchestre (1971 komp.)
• Psaume pour orchestre, soprano solo et choeurs (1968 komp.)
• Rêverie: pour orchestre symphonique: (op37) (1960 komp.)
• Rotations (1975-1976 komp.)
• Scènes pour 15 instruments (1963 komp.)
• Sinfonia da Camera (1967 komp.)
• 2. Symphonie (1962 komp.)
• 3. Symphonie: Novarum rerum cupidus: musique pour cordes, piano et percussions (1964 komp.)
• Symphonie brève (1960 komp.)
• Une vie d'homme: pour orchestre symphonique et mezzo-soprano (1979 komp.)
• Une vie d'homme + Prologue (1979 komp.)
• Une vie d'homme + Epilogue (1979 komp.)

Blosorchesterwierker

• 963-1963 Stâd Letzeburg: marche
• Auguste Mootz en souvenir: Marche luxembourgeoise
• Essai I et II (1965 komp.)
• Intensité et rythme: musique pour instruments à vent et percussion (1972 komp.)
• Le cadet: Konzertmarsch
• Marche de Fête: Marche luxembourgeoise
• Marche olympique: pour musique militaire (harmonie et fanfare): XVI olympiade à
• Melbourne (Australie) 1956 (1956 komp.)
• Métamorphoses pour orgues, instruments à vent et percussion (1974 komp.)
• Musique Circonstancielle (1973 komp.)
• Ouverture miniature: harmonie-fanfare
• Ouverture symphonique: pour orchestre d'harmonie (1959 komp.)
• Prozessionsmarsch Notre Dame de la Paix
• Rote Erde = (Terre rouge=Rode Buedem=Red ground): Marsch für Blasmusik
• Suite pour brass band (Auftragskomposition von Fred Harles)
• Tornado: Marche luxembourgeoise
• Trois constructions: pour brass-band (1975 komp.)

Wierker mat onbekannter Besetzung

• Ile Symphonie (1962)
• Passe temps
• Saxophonie
• Stin

Diskographie

• Historische RTL-Aufnahmen des Komponisten (im CNA): Le dernier jugement (1960); Rêverie (1960); Musique pour orchestre (1961); Symphonie Nr. 2 (1963); Symphonie brève (1963); 2 Miniatures (1964); Trio pour hautbois, clarinette et basson (1964); 6 Monologues rythmiques (1965); Scènes pour 15 instruments (1965); Symphonie Nr. 3 (1967); Nomquereine (1974); Rotations (1978); Sinfonia da camera (1982); Le cadet, Marche (1984); Ouverture symphonique (1984); Intensité et rythme (1985); Ouverture miniature (1985); Scènes (1985); Une vie d'homme (1985); Suite pour brass band (1988).
• Suite picturale, Rapsodie choréographique, Trois élégies, Symphonie no 2, Ed. LGNM, Luxemburg 1987.
• Facetten: pour orchestre de chambre, Les musiciens, Connaissances des églises, Bertrange 1989.
• Lëtzebuerger Meeschterwierker vun haut, Ouverture symphonique, Musique militaire grand-ducale, André Reichling, UGDA, Luxemburg 1990
• Suite concertante, La trompette du XXème siècle, 1992.
• Portrait René Hemmer: Le dernier jugement, Scènes pour 15 instruments, Nomquereine, Rotations, Une vie d'homme, Ed. LGNM, Luxemburg 1998.
• Portrait René Hemmer: Facetten, Flüchtig wie Wind und Welle, Solitaire, Sinfonia da camera, Ed. LGNM, Luxemburg 2004.
• Historische RTL-Aufnahmen des Dirigenten (im CNA): Onst Hemechtsland; Hierscht; Am Park; E leiwe klenge Biirkebam; E gudde Frend; Lëtzebuerg, Fielsestad (1980).
• Historische RTL-Aufnahmen des Komponisten und Dirigenten (im CNA): Scenes pour 15 instruments (1965); 6 Monologues rythmiques (1965 und 1967); Symphonie Nr. 2 (1967).
• Luxembourg: Panorama of contemporary music, "Scènes" (für Kl. 4-händig, Ausschnitt), Luxembourg 2004.

Literatur

• Elisabet Wirtz-Lemmel, „Tagebuch eines vergesseneen Komponisten”, Die Warte, S. 4, Luxemburger Wort, 22.10.2020
• Hausemer, Georges: Luxemburger Lexikon. Das Großherzogtum von A-Z, Luxemburg 2006, S. 170-171.
• Blasen, Léon: Letzëbuerger Komponisten, hrsg. von Eugene Mackel, Luxemburg 1988, S. 116-120.
• Wagner, Guy: Luxemburger Komponisten heute, Echternach, Luxemburg 1986, S. 43-46.
• René Hemmer (* 1919). (1984). Télécran, Télécran. - Luxembourg Jg. 6 (1984), Nr. 35, p. 14-17, ill.
• Kraus, Marco: Musik der Skepsis, Ettelbrück, Luxemburg 1983.
• M. (1939). René Hemmer. Revue Musicale, Revue musicale. - Luxembourg Jg. 7 (1939), Nr. 8, p. 63.

Gielchen

• Chevalier vum Ordre de Mérite du Grand-Duché de Luxembourg (Promotioun 1976)

Um Spaweck

• Curriculum vitae vum René Hemmer op der Websäit vun der Lëtzebuerger Gesellschaft fir Nei Musek a.s.b.l.
• Hommage pour ses 80 ans: René Hemmer, le premier compositeur sériel au Luxembourg op der websäit vum Guy Wagner

Referenzen an Notten

• Quell vum Artikel, wou net anescht uginn: „Tagebuch eines vergesseneen Komponisten”, an der Literatur.
• Quell vun de Wierker an der Diskographie: Zeiß-Zippel, T. (2023). HEMMER, René. In HEMMER, René (Version 1, 1st ed., Vol. 2). Melusina Press.