Reuven Ramaty High Energy Solar Spectroscopic Imager

Vu Wikipedia
Op d'Navigatioun wiesselen Op d'Siche wiesselen
RHESSI oder Explorer 81
De Weltraumteleskop RHESSI
Typ Weltraumteleskop
Land Flag of the United States.svg USA
Agentur NASA
COSPAR-Bezeechnung 2002-004A
Apogeum 607 km
Perigeum 579 km
Bunnschréiegt 38,0°
Bunn-Ëmlafzäit 96,5 min
Start 5. Februar 2002, 20:58 UTC
Startplaz Mayport Drop Zon
Status aktiv

Den Reuven Ramaty High Energy Solar Spectroscopic Imager (RHESSI) (oder Explorer 81) ass e Weltraumteleskop vun der NASA mat Bedeelegung vun amerikaneschen a schwäizereschen Instituter an déngt zu der Sonnenobservatioun am Röntgen- a Gammaberäich. An där energieräicher elektromagnéitescher Stralung gi Sonnekorona a Sonneneruptiounen observéiert an déi physikalesch Mechanismen vun der Deelechervitesse an deenen Evenementer (d'Rekonnexioun) ënnersicht.

Zweck[änneren | Quelltext änneren]

RHESSI observéiert d'Sonn am Röntgen- a Gammaberäich bei Energien vun 3 keV bis 17 MeV. Duerch e System vu Gitterkollimatoren a Verbindung mat der Rotatioun vum drallstabiliséierte Satellit kann d'Sonn mat enger Opléisung vu jee no Energieberäich 2 bis 36 Bousekonnen ënnersicht ginn. Déi benotzt a gekillten Hallefleederdetekteren hunn eng Energieopléisung tëscht 1 keV bei niddregen a 5 keV bei héijen Energien. Dës Kombinatioun vun héije raimlecher a spektraler Opléisung ass an dësem Energieberäich bei RHESSI fir d'éischt verwierklecht. Nieft der Sonneobservatioun ënnersicht d'RHESSI och Gammastralungspulsen, déi a Wiederregiounen op der Äerd gemaach ginn.

Missiounsverlaf[änneren | Quelltext änneren]

De Start war de 5. Februar 2002 mat enger fligergestëtzter Pegasus-Rakéit. Den Drofliger vum Typ L-1011 war um 19:29 UTC vun der Cape Canaveral Air Force Station gestart. Den Ofworf war um 20:58 an der Mayport Drop Zon virun der Küst vu Florida bei 29° Nord, 78,5° West7.

Dee virdrun als High Energy Solar Spectroscopic Imager (HESSI) bekannte Satellit gouf de 29. Mäerz 2002 zu Éiren vum Astrophysiker Reuven Ramaty ëmbenannt ginn. Déi am Ufank geplangt Liewensdauer war zwee Joer, d'Missioun gouf awer verlängert an dauert nach un.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: RHESSI – Biller, Videoen oder Audiodateien