Small Astronomy Satellite 2
| SAS-2 | |
|---|---|
 | |
| Typ | Weltraumteleskop |
| Land | USA |
| Agentur | NASA |
| Apogeum | 632 km |
| Perigeum | 443 km |
| Bunnschréi | 1,9° |
| Mass | 166 kg |
| Gréisst | 59 cm Duerchmiesser, 135 cm Héicht |
| Bunn-Ëmlafzäit | 95,4 min[1] |
| Start | 15. November 1972 |
| Startplaz | San-Marco-Plattform |
| Drorakéit | Scout D-1-F S170CR |
| Status | vergloust den 20. August 1980 |
De Small Astronomy Satellite 2 (SAS-2), e Projet vun der NASA, war ee vun den éischte Weltraumteleskope fir den Nowäis vun der kosmescher Gammastralung.
Den SAS-2 (och als SAS-B an Explorer 48 bekannt) gouf de 15. November 1972 mat enger Scout-Rakéit vun der San-Marco-Plattform aus an eng niddreg equatorial Äerdëmlafbunn bruecht. Den 19. November 1972 gouf de Betrib opgeholl an d'Missioun war den 8. Juni 1973 duerch e Problem mat der Stroumversuergung vum Satellit ofgeschloss.
Eenzegt Instrument war eng Fonkekummer fir den Energieberäich 20 MeV - 1 GeV. Bei 27 Observatioune vu jee ongeféier enger Woch goufe 55 % vum Himmel, dorënner bal dee ganze Plang vun der Mëllechstrooss, observéiert. Den SAS-2 krut domat en Iwwerbléck iwwer eenzel Gammaquellen um Himmel an iwwer déi diffus Gammaemissioun an hir Verbindung mat anere Strukture vun der Mëllechstrooss. En hat och d'Quell Geminga entdeckt.
Kuckt och
[änneren | Quelltext änneren]
Um Spaweck
[änneren | Quelltext änneren]- (en) NASA: The Small Astronomy Satellite 2 (SAS-2)
- (en) Gunter's Space Page: Explorer: SAS B