Schabloun:AVDW S1

Vu Wikipedia

De Stater Tram besteet aus enger Tramslinn (T1), déi vun der Firma LuxTram S.A. bedriwwe gëtt an där hiert éischt Deelstéck den 10. Dezember 2017 opgoung.

No jorelaangen Diskussiounen a Geplangs huet d'Chamber de 4. Juni 2014 mat 56 vu 60 Stëmmen e Gesetz gestëmmt, fir en Tram vun der Luxexpo op d'Stater Gare ze bauen. Den 18. September 2015 goung et lass mam Bau. Als éischt gouf den Tramsschapp hannert der Luxexpo gebaut. Bei der Renovéierung vun der Rouder an der Neier Bréck, 2014-2017, gouf Plaz fir Trammsschinne gemaach. Déi éischt Schinne goufen am Juli 2016 an der Avenue Kennedy verluecht.

D'Linn gëtt da mat Urbos 3-Ramme vun der spuenescher Firma CAF exploitéiert, déi Plaz hu fir bis zu 450 Leit pro Ramm. Am Stadzentrum fueren d'Zich ouni Catenaire a ginn do mat Stroum aus Superkondensatoren ugedriwwen.

D'Streck gouf bis September 2022 dräimol verlängert a féiert virleefeg op enger Längt vun enger 8 km vun der Luxexpo iwwer de Kierchbierg, d'Stäreplaz, den Hamilius an d'Gare bis bei de Lycée Bouneweeg. 2024 soll déi definitiv Streck tëscht dem Fluchhafe Findel an dem Stadion vu Lëtzebuerg opgoen. Zu deem Ament huet d'Linn da 24 Statiounen op ronn 16 Kilometer.

Weider Linnen, ë. a. laanscht d'Areler Strooss a laanscht Autobunn A4, solle méi spéit nokommen... > méi