Howald Gare (Tramshalt)

Howald Gare
	Januar 2026: Den Tramshalt an 2 Richtungen op der Bréck
ass eng	Tramshalt
Status	am Gebrauch
opgaang	7. Juli 2024
genannt no	Gare Houwald
Lag vun der Statioun
Land	Lëtzebuerg
Gemeng	Hesper
Uertschaft	Houwald
Koordinaten	49°34'54,52"N, 6°7'51,28"O
Reseau
Bedreiwer	LuxTram
Reseau	Stater Tram
Streck(en)	Luxtram-Linn T1
Linn(en)	Luxtram-Linn T1
Gleiser mat Quai	2
Nopeschstatioun(en)	Scillas,; Lycée Vauban

Dësen Artikel beschäftegt sech mat der Tramshalt um Houwald. Fir d'CFL-Gare um Houwald, kuckt wgl. Gare Houwald.

Howald Gare ass eng Halt op der Linn T1 vum Stater Tramsreseau, déi de 7. Juli 2024 opgaangen ass.

S'ass en Deel vum Pôle d'échange Houwald.

Lag vun der Statioun

Déi definitiv Statioun ass op der Gemengegrenz tëscht der Stad Lëtzebuerg (Quartier Gaasperech) an der Gemeng Hesper (Uertschaft Houwald) geplangt a läit dann nordwestlech vun der Zuchgare Houwald, um westleche Wupp vun enger neier Bréck déi vum Boulevard des Scillas aus a Richtung vun der Y-Bréck féiert.

D'Bréck huet mussen an zwou Etappe gebaut ginn, well wéinst juristeschen Onkloerheeten ëm eng Parzell ufanks just eng schmuel Versioun mat engem, amplaz zwéin, Gleiser gebaut konnt ginn, mat enger provisorescher Tramshalt e Stéck méi westlech, um Territoire vun der Stad Lëtzebuerg. Vun 2024 bis 2026 gouf dat südlecht Stéck gebaut,^[1] wou de 15. Januar 2026 déi defintiv Halt hikoum.^[2]


aus Richtung	virdrun	Statioun	duerno	a Richtung
Findel - Luxembourg Airport	Scillas	Howald Gare	Lycée Vauban	Stadion

D'Statioun läit direkt bei der Gare Houwald, no där se och genannt ass.

Infrastruktur

D'Statioun huet 2 Gleiser mat jeeweils engem säitleche Quai an ass mat Tramshaisercher an elektroneschen Informatiounspanneauen ekipéiert. S'ass fir Persoune mat ageschränkter Mobilitéit accessibel. Bei der Statioun gëtt et eng bikebox fir Vëloen ofzestellen, eng Vel'oH!-Statioun an et huet een Uschloss op AVL an RGTR-Buslinnen (Halt: Howald Gare / PE).