Rout Bréck - Pafendall (Tramshalt)

Rout Bréck - Pafendall
	Standuert vun der Statioun
Typ	Tramshalt
Status	am Gebrauch
opgaang	10. Dezember 2017
genannt no	Pont grande-duchesse Charlotte, Pafendall
Lag vun der Statioun
Land	Lëtzebuerg
Gemeng	Lëtzebuerg
Uertschaft	Kierchbierg
Koordinaten	49°37'7,25"N, 6°8'11,04"O, 49°37'7,39"N, 6°8'13,81"O
Reseau
Bedreiwer	LuxTram
Reseau	Stater Tram
Linn(en)	Luxtram-Linn T1
Gleiser mat Quai	2
Nopeschstatioun(en)	Philharmonie - Mudam,; Theater

Rout Bréck - Pafendall ass eng Halt op der Linn T1 vum Stater Tramsreseau, déi den 10. Dezember 2017 opgaangen ass.

S'ass en Deel vum Pôle d'échange Rout Bréck.

Lag vun der Statioun

D'Statioun läit um westleche Wupp vun der Avenue John-F.-Kennedy am Quartier Kierchbierg vun der Stad Lëtzebuerg, tëscht de Statioune Philharmonie - Mudam am Osten an Theater am Westen.


aus Richtung	virdrun	Statioun	duerno	a Richtung
Findel - Luxembourg Airport (vu Mäerz 2025 un)	Philharmonie - Mudam	Rout Bréck - Pafendall	Theater	Stadion

D'Statioun ass no der Rouder Bréck bei där se läit an dem Nopeschquartier Pafendall, wou ee mam Funiculaire hifuere kann, genannt.

Infrastruktur

D'Statioun huet 2 Gleiser mat engem zentrale Quai an ass mat Tramshaisercher an elektroneschen Informatiounspanneauen ekipéiert. S'ass fir Persoune mat ageschränkter Mobilitéit accessibel.

Bei der Statioun gëtt et eng bikebox fir Vëloen ofzestellen, eng Vel'oH!-Statioun an et huet een Uschloss op AVL an RGTR-Buslinnen (Halt: Rout Bréck - Pafendall). Mam Funiculaire kënnt een an d'CFL-Gare Pafendall-Kierchbierg (Uschloss op d'CFL-Nordstreck).^[1]