Y-Bréck iwwer d'Autobunn A3

Y-Bréck iwwer d'Autobunn A3
(OA583)

Vue a Richtung Westen
Geographie
Land	Lëtzebuerg
Plaz	Lëtzebuerg
Koordinaten	49° 34’ 54.30’’ N       06° 07’ 43.20’’ O
Funktioun
Benotzt als	Stroossebréck fir ëffentlechen Transport, Foussgänger a Vëloen
Féiert iwwer	Autobunn A3
Technesch Detailer
Totallängt	100 m
Längt tëscht Widderlager	73
Gréisst Iwwerspanung	57 m
Felder/Béi	1
Breet	18 m; (Haaptstrang) 6,2 m (Säitenaarm)
Héicht	5,50 m
Déckt vum Tablier	Variabel mat engem Minimum vun 30 cm an der Mëtt
Material	Arméierte Bëtong
Bemierkungen
Bauhär	Administration des ponts et chaussées (Division des travaux neufs)
Architekt(en) Konzeptioun	Bureau Canevas
Statiker	Bureau Greisch

D'Y-Bréck iwwer d'Autobunn A3 ass eng Bréck, iwwer déi d'Linn 1 vum Stater Tram, Vëloen a Foussgänger vum Houwald hier, kuerz no der Bréck iwwer d'Gare Houwald, iwwer d'Autobunn A3 ewech, an de Ban de Gasperich fueren, respektiv goe kënnen.

An der Mëtt spléckt d'Bréck sech an zwéin Äerm - dohier d'Analogie zu engem Y: den 18 Meter breeden Haaptstrang fir den Tram an e Vëlos- a Foussgängerwee, dee riichtaus Uschloss un d'Rue Albert-Einstein huet, an e 6,2 Meter breeden Niewenaarm, deen eppes méi no Norde féiert, fir eng Verbindung fir Foussgänger a Vëlosfuerer mam spéideren Neibau vum Lycée technique du Centre, deen dohi soll kommen, ze maachen.

D'Bréck ass 73 Meter laang an ass op hirer héchster Plaz 5,5 Meter héich. Se gouf vum Bureau Greisch entworf. De Bau gëtt op 9,5 Milliounen Euro geschat.

D'Aarbechte hunn 2021 ugefaangen; mat der Verlängerung vun der Linn T1 bis bei de Stadion goung d'Bréck de 7. Juli 2024 offiziell op.

Um Spaweck

Commons: Y-Bréck iwwer d'Autobunn A3 – Biller, Videoen oder Audiodateien

• "Un pont futuriste pour relier Howald à Gasperich." wort.lu, 25. August 2020.