Autobunn A3 (Lëtzebuerg)

Vu Wikipedia
Wiesselen op: Navigatioun, sichen
LU-A3.svg
A3 - Diddelenger Autobunn
Luxemburg A3.png
Zeechen Verdeeler
Zeichen 215 - Kreisverkehr, StVO 2000.svg Lëtzebuerg
AB-AS-blau.svg 1 Hesper/Houwald
AB-Kreuz-blau.svg A1 / A6 Gaasperecher Kräiz
AB-Rast.svg AB-Tank.svg Zeichen 314 - Parkplatz, StVO 2013.svg Aire de Berchem
AB-AS-blau.svg 2 Léiweng/Beetebuerg
AB-Kreuz-blau.svg A13 Beetebuerger Kräiz
AB-AS-blau.svg 3 Diddeleng (nëmmen aus an a
Richtung Lëtzebuerg Stad)
EU-Icon.svg Uschloss un d'franséisch A31

D'Autobunn A3, och Diddelenger Autobunn genannt, ass eng lëtzebuergesch Autobunn am Kanton Lëtzebuerg an am Kanton Esch-Uelzecht. Se geet vum Rond-point Houwald an der Stad Lëtzebuerg no Süde bis bei d'franséisch Grenz, wou se um Territoire vun der Gemeng Zoufftgen un d'franséisch A31 ugeschloss ass.

Se ass eng wichteg Verbindung tëscht dem Autobunnsnetz vum Benelux an deem vu Westdäitschland op der enger Säit, deem aus Frankräich op der anerer.

Et gëtt 3 Autobunnsausfaarten/Opfaarten, 2 Autobunnskräizer an eng Plaz fir ze raschten.

Um Gaasperecher Kräiz kräizt d'A3 sech mat der A1/A6. Duerno kënnt geschwënn d'Aire de Berchem, déi gréisst Bensinnsstatioun vun Europa. E bësse méi südlech kräizt d'A3 um Beetebuerger Kräiz d'A13, déi no Osten hin Saarautobunn genannt gëtt, no Westen hin Collectrice du Sud.

D'Autobunn gouf tëscht 1978 an 1981 a Betrib geholl.

D'A3 ass Deel vun der E25, mat Ausnam vun deem Stéck vum Gasperecher Kräiz bis un de Rond-point Houwald.

Se huet eng Längt vu 13,3 km.

Ausbaupläng[änneren | Quelltext änneren]

Am November 2014 goufe Pläng virgestallt, d'A3 op béide Säite vun 2 op 3 Spuren auszebauen. Fir d'éischt kéim 2015 den Tracé vum Gaasperecher Kräiz bis bei d'Aire de Berchem drun, duerno, vun 2017 un, d'Streck vum Beetebuerger Kräiz bis un d'franséisch Grenz, dann, 2019, d'Stéck tëscht der Aire de Berchem an dem Beetebuerger Kräiz, an 2020 d'Beetebuerger Kräiz selwer.[1]

Am Abrëll 2017 goufen déi Pläng (wann och net mat deenen Datumen) am Regierungsrot guttgeheescht. Zousätlech zum Ausbau sollen d'Echangeure vu Léiweng a vun Diddeleng komplett reamenagéiert ginn, an et kéim zu gréissere Changementer um Beetebuerger Kräiz.[2]

Um Spaweck[änneren | Quelltext änneren]

Commons: A3 (Luxembourg) – Biller, Videoen oder Audiodateien
D'A3 Richtung Süden, vun der Foussgängerbréck zu Beetebuerg aus gekuckt. Hannen am Bild: den RTL-Sender um Ginzebierg.
RWB-RWBA Autobahn.svg
Autobunnen zu Lëtzebuerg
RWB-RWBA Autobahn.svg

A 1 | A 3 | A 4 | A 6 | A 7 | A 13

Referenzen[Quelltext änneren]

  1. "Ausbau vun der A3 a vun der A4." (Video) op rtl.lu, Leschten Update: 11.11.2014, 07:04:54.
  2. "Diddelenger Autobunn gëtt dräispureg ausgebaut." rtl.lu, 06.04.2017, 17:07:39.