Autobunn A1 (Lëtzebuerg)
 A1 - Tréierer Autobunn 
| |||
| Zeechen | N° | Verdeeler | km[1] |
|
A3/A6 Gaasperecher Kräiz | 0,0 | |
|
Tunnel Houwald | ||
|
Victor-Bodson-Bréck | ||
|
7 | Hamm | 6,867 |
|
|
Tunnel Zens | ||
|
|
8 | Kierchbierg | 9,075 |
|
|
Uschloss A7 Kräiz Gréngewald | 9,893 | |
|
|
9 | Sennengerbierg | 11,801 |
|
|
10 | Cargocenter | 12,968 |
|
|
11 | Mënsbech | 15,430 |
|
|
12 | Fluessweiler | 22,648 |
|
|
13 | Potaschbierg | 26,149 |
|
|
14 | Mäertert | 30,212 |
|
|
Sir-Viaduc | ||
|
|
Viaduc Sernigerbaach | ||
|
|
15 | Waasserbëlleg | 35,023 |
  
|
Aire de Wasserbillig | ||
|
|
Sauerdallbréck | ||
|
Däitsch Grenz - A64 | 36,203 | |
D'Autobunn A1, och Tréierer Autobunn genannt, ass eng lëtzebuergesch Autobunn am Kanton Lëtzebuerg an am Kanton Gréiwemaacher. Se fänkt um Gaasperecher Kräiz un a mécht d'Verbindung mat Däitschland op der Héicht vu Waasserbëlleg wou se op der Grenz iwwer d'Sauer geet. Vun do un iwwerhëlt déi däitsch A64 de Verkéier.
D'A1 huet eng Längt vu 36,7 km a se leeft méi oder manner parallel zu der N1. Se ass en Deel vun der Europastrooss E44.
D'A1 gouf an e puer Phase fir de Verkéier opgemaach[2]:
- 6. September 1988: Waasserbëlleg - Potaschbierg
- 11. Juni 1990: Mënsbech - Sennengerbierg
- 26. Juni 1992: Potaschbierg - Mënsbech (d'Mëttelstéck huet méi laang gedauert, well et déi néideg Geneemegunge gebraucht huet, fir duerch en Naturschutzgebitt ze fueren. An der Tëschenzäit ass de Verkéier weider iwwer d'N1 geleet ginn, mat enger Zuchbarriär an der Mëtt.)
- 20. Mee 1994: Gaasperecher Kräiz - Sortie "Iergaart"
Dobäi koumen 1996 an 2002 Aarbechten um Stéck tëscht dem Iergaart an dem Sennengerbierg, ë. a. fir den Uschloss un d'A7 ze preparéieren. An där Zäit goufen d'Raschtplazen, respektiv hiren Accès, a béide Richtungen tëscht dem Sennengerbierg an der Jonctioun Gréngewald ofgerappt. Gläichzäiteg mam Fäerdegstelle vum Süd-Ost-Contournement vun der Stad gouf ugefaangen, déi haiteg Avenue John-F.-Kennedy um Kierchbierg, déi ufanks als Autobunn konzipéiert war (an och "A1" genannt gouf) zu engem Boulevard zeréckzebauen.
Op der Streck vu Gaasperech bis op Waasserbëlleg goufen e puer grouss Brécken an Tunnelle gebaut:
- de Viaduc Drousbaach
- den Tunnel um Houwald bei Hesper
- d'Victor-Bodson-Bréck, eng Schréiseelbréck iwwer den Uelzechtdall.
- den Tunnel um Zens
- d'Neiduerfer Autobunnsbrécken OA 1177 an OA 1176
- den Uewersir-Viaduc bei Nidderaanwen
- de Sir-Viaduc bei Mäertert
- de Viaduc iwwer d'Sernigerbaach op der Wollefsmillen bei Waasserbëlleg
- d'Sauerdallbréck iwwer d'Sauer op der Grenz mat Däitschland
Trafick
[änneren | Quelltext änneren]2024 goufen op der Héicht vum Potaschbierg an der Moyenne pro Dag 29.000 Gefierer gezielt; 1988 waren et der just eng 5.000.[3]
Biller
[änneren | Quelltext änneren]-
D'A1 ënner dem Sennenger Bloebierg (2017) -
…a kuerz virun der Aire de Wasserbillig (2014)
Um Spaweck
[änneren | Quelltext änneren]| Commons: A1 (Luxembourg) – Biller, Videoen oder Audiodateien |
Referenzen
[Quelltext änneren]- ↑ (fr)A1 - Autoroute de Trèves. travaux.public.lu. Gekuckt de(n) 01.01.2021.
- ↑ Evolution du réseau autoroutier. Administration des Ponts et Chaussées.
- ↑ Pascal Mittelberger "Bis zu fünfmal mehr Fahrzeuge auf Luxemburgs Autobahnen." wort.lu, 16.03.2025.