Théodore Pescatore (1871-1931)

Vu Wikipedia
Op d'Navigatioun wiesselen Op d'Siche wiesselen
Auto-Mixte 1906 um Salon de l'automobile zu Paräis

Den Théodore Pescatore, gebuer de 14. Juni 1871 a gestuerwen den 10. Oktober 1931, war e lëtzebuergeschen Ingenieur an Entreprener.

Hie war Grënner vun der Société anonyme L'Auto-Mixte zu Herstal, déi tëscht 1904 an 1913, nom Patent vum belschen Erfinder Henri Pieper déi éischt Hybridautoen a -camione gebaut huet, déi mat Pëtrol an Elektresch ugedriwwe goufen. De Stroum koum vun Akkumulatoren, déi am Henri Tudor senger Fabréck zu Manchester produzéiert goufen. D'Fabréck ass vu senge Schworen dem Antoine, Théodore a Paul Pescatore, gefouert ginn.

Déi Autoen hunn um Salon de l'automobile am Januar 1906 grouss Beuechtung fonnt. Mä well d'Firma net genuch Kapital unzéie konnt, an d'Gefirer net deen erhoffte Succès kannt hunn, war et 1913 eriwwer mat Auto-Mixte.

Duerno huet den Théodore Pescatore zu Boufer an der Ieweschter Millen (Münsterühle) e mechaneschen Atelier gegrënnt.

Tëscht 1921 an 1930 war hie Buergermeeschter vu Luerenzweiler.

Den Théodore Pescatore huet sech 1897 mat senger klenger Kusinn, der Emma Dutreux, Duechter vum Tony Dutreux, bestuet. Hire Jong, den Théo Pescatore (4.10.1912 - 30.12.1999) war och Entreprener.

Literatur[änneren | Quelltext änneren]

  • Michel Bedeur: Auto-Mixte Pescatore. Voitures et camions pétroléo-électriques, système Henri Pieper. Herstal 1905 -1913. Editions Vieux Temps, 2006, ISBN 2-930289-15-5