Vendelin Jurion
| Vendelin Jurion | |
|---|---|
 | |
| Gebuer |
4. Juni 1806 Béibreg |
| Gestuerwen | 10. Februar 1892 |
| Nationalitéit | Lëtzebuerg |
| Aktivitéit | Politiker, Affekot, Riichter |
 | |
De Vendelin Jurion gebuer de 4. Juni 1806 zu Béibreg, a gestuerwen den 10. Februar 1892, war e Lëtzebuerger Jurist a Politiker.
De Vendelin Jurion war Affekot um Bezierksgeriicht Dikrech, méi spéit um Ieweschte Geriicht an der Stad Letzebuerg. Zu Dikrech war e Buergermeeschter.
1843 gouf e Sekretär an der Régence.
Hie war och an der Kommissioun, déi d'Lëtzebuerger Konstitutioun vun 1848 ausgeschafft hat.
Vum 1. August 1848 bis den 2. Dezember 1848 war en Administrateur général an der Regierung de la Fontaine a vum 23. September 1853 bis de 24. Juni 1856 an der Regierung Simons, wou hien all Kéier fir den Intérieur zoustänneg war. Duerno gouf en Deputéierten an der Chamber.
Vum 28. November 1857 bis den 10. Februar 1892 war hie Member vum Staatsrot.[1]
Zu Dikrech huet en, zesumme mam Joseph-Antoine Schroell, d'Wochenblatt für Bürger und Landleute erausginn, déi éischt Zeitung zu Lëtzebuerg mat engem Feuilleton.
Gielchen
- Commandeur vum Ordre de la couronne de chêne (Promotioun 1842)[2]
Kuckt och
Referenzen
- ↑ Lëscht vun de Membere vum Staatsrot op der Websäit vum Staatsrot
- ↑ ARRÊTÉ ROYAL GRAND-DUCAL du 1er janvier 1842, L' A, portant nomination de membres de l'Ordre royal grand-ducal de la Couronne de Chêne publizéiert am Memioral N°4 vun 1842
- Presidente vum Staatsrot zu Lëtzebuerg
- Lëtzebuergesch Buergermeeschteren
- Lëtzebuergesch Affekoten
- Lëtzebuergesch Ministeren
- Inneministere vu Lëtzebuerg
- Lëtzebuergesch Editeuren
- Gebuer 1806
- Gestuerwen 1892
- Membere vun der Assemblée constituante vun 1848 (Lëtzebuerg)
- Commandeur de l'ordre de la couronne de chêne