Eurovision Song Contest 1989

Vu Wikipedia
Wiesselen op: Navigatioun, sichen
34. Eurovision Song Contest
Datum 6. Mee 1989
Stad Lausanne (Schwäiz)
Gebai Palais de Beaulieu
Gewënner Riva (Jugoslawien)
Zuel vu Länner 22
Nei Participatiounen Keng
Moderatioun Jacques Deschenaux a Lolita Morena
Interval Act Guy Tell mat Assistentin mat enger Wilhelm-Tell-Apel-Zirkus Nummer
Ofstëmmungsregelung An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zeng bescht Lidder verginn.
Palais de Beaulieu zu Lausanne, 2005

De 34. Eurovision Song Contest war de 6. Mee 1989 an der Schwäiz. Organiséiert gouf d'Eurovisioun dat Joer am Palais de Beaulieu zu Lausanne. Presentateure waren de Jacques Deschenaux an d'Lolita Morena.

Am Ganzen hunn 22 Länner matgemaach. Malta a Monaco waren net dobäi.

D'Vertriederin vun Frankräich, d'Nathalie Pâque, war nëmmen 11 Joer al an ee vun de Vertrieder vun Israel, de Gili nëmmen 12 Joer, wat zu schlechter Publicitéit gefouert huet. Dowéinst ass vun den Organisateuren decidéiert ginn, datt an Zukunft de minimalen Alter vun engem Participant 16 Joer muss sinn.

D'Regel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Lausanne matgedeelt ginn.

Eng weider Regel ass agefouert ginn fir de Fall datt et op der éischter Plaz e Gläichstand giff ginn. An deem Fall sollt gekuckt ginn wien am ëftesten 12 Punkte kritt huet, a wann et do e Gläichstand giff ginn, wien am ëftesten 10 Punkte kritt huet.

Déi éischt Plaz kruten d'Vertrieder vu Jugoslawien, d'Grupp Riva mat 7 Punkte Virsprong virum Grupp Live Report (Groussbritannien). Déi drëtt Plaz krut d'Birthe Kjær, déi fir Dänemark ugetruede war.

Fir Jugoslawien war et déi éischt Kéier datt et de Grand Prix gewonnen hat.

Klassement[änneren | Quelltext änneren]

Plaz Land Interpret Titel Punkten
1. Jugoslawien Riva Rock Me 137
2. Groussbritannien Live Report Why Do I Always Get It Wrong? 130
3. Dänemark Birthe Kjær Vi maler byen rød 111
4. Schweden Tommy Nilsson En dag 110
5. Éisträich Thomas Forstner Nur ein Lied 97
6. Spuenien Nina Nacida para amar 88
7. Finnland Anneli Saaristo La dolce vita 76
8. Frankräich Nathalie Pâque J’ai volé la vie 60
9. Italien Anna Oxa & Fausto Leal Avrei voluto 56
9. Griicheland Mariana To dhiko su asteri 56
11. Zypern Fani Polymeri a Yiannis Savvidakis Apopse as vrethume 51
12. Israel Gili a Galit Derech hamelech 50
13. Schwäiz Furbaz Viver senza tei 47
14. Däitschland Nino de Angelo Flieger 46
15. Holland Justine Pelmelay Blijf zoals je bent 45
16. Portugal Da Vinci Conquistador 39
17. Norwegen Britt Synnøve Johansen Venners nærhet 30
18. Irland Kiev Connolly a The Missing Passengers The Real Me 21
19. Belsch Ingeborg Door de wind 13
20. Lëtzebuerg Park Café Monsieur 8
21. Tierkei Pan Bana bana 5
22. Island Daníel Ágúst Haraldsson Það sem enginn sér 0

Um Spaweck[änneren | Quelltext änneren]

Commons: Eurovision Song Contest 1989 – Biller, Videoen oder Audiodateien
Dublin (Irland) Esc-wäiss1.png Zagreb (Jugoslawien)
ESC 1988 Eurovision Song Contest ESC 1990