Käicher

Vu Wikipedia
Wiesselen op: Navigatioun, sichen
Käicher
Käicher: Habitus a Friichten

Käicher: Habitus a Friichten
Wëssenschaftlech Klassifikatioun
Räich: Planzeräich
Ofdeelung: Bléieplanzen
Stamm: Cicereae
Klass: Rosopsida
Uerdnung: Fabales
Famill: Fabaceae
Ënnerfamill: Faboideae
Gattung: Käicheren (Cicer)
Aart: Käicher
Wëssenschaftlechen Numm
Cicer arietinum
L.
Zeideg Fruucht
D'Käicher an der Scheek

De Käicher (Cicer arietinum) ass eng Planzenaart aus der Gattung Käicheren (Cicer) an der Ënnerfamill Faboideae bannent der Famill vun den Scheekefriichten (Fabaceae). Trotz hirem däitschen oder franséischen Numm (Kichererbse, resp. pois chiche) ass se net weider Famill mat der Ierbes (Pisum sativum).

Beschreiwung[änneren | Quelltext änneren]

De Käicher ass eng eejäreg krauteg Planz, déi bis zu 1 Meter héich gëtt. D'Bléie kënne purpurrout, mof, violett oder wäiss sinn a ginn 10 bis 12 mm grouss.

An de ronn 3 cm grousse Scheeken, déi sech draus entwéckelen, si gewéinlech 2 onregelméisseg geformte Somen déi däischter beige bis schwaarz sinn. Dës kënne giess ginn.

Verbreedung[änneren | Quelltext änneren]

A Klengasien gouf de Käicher scho virun 8000 Joer ugebaut, a gouf vun do am ganze Mëttelmierraum a bis an Indien verbreet. Méi spéit ass en duerch d'Réimer och nërdlech vun den Alpen agefouert ginn.

An der Kichen[änneren | Quelltext änneren]

De gedréchente Som vum Käicher gëtt am Waasser opgeeecht an da gekacht. Duerno kommen s'entweder a Plate wéi Couscous, Tajine oder Cocido Madrilleno; se kënnen awer och püréiert ginn - dat gëtt dann Houmous genannt, oder, graff gemuelen, zu Falafel (frittéiert kleng Bullen) verschafft ginn. De Som kann awer och einfach geréichtert ginn wéi Nëss, oder zu Miel gemuelen an da gebak.

Weltproduktioun[änneren | Quelltext änneren]

Indien ass haut den Haaptliwwerant vu Käicheren, duerno kënnt Pakistan an d'Tierkei.

Déi 10 gréisste Käichereproduzenten[1]
Land Produktioun
(Tonnen/Joer)
Informatioun
Flag of India.svg Indien 5 970 000
Flag of Pakistan.svg Pakistan 842 000
Flag of Turkey.svg Tierkei 523 000
Flag of Australia.svg Australien 313 000
Schabloun:IRI 310 000 Geschat
Schabloun:MYA 225 000 Geschat
Flag of Canada.svg Kanada 215 000
Flag of Ethiopia.svg Ethiopien 190 000 Geschat
Flag of Mexico.svg Mexiko 165 000 Geschat
Flag of Iraq.svg Irak 85 000 Geschat
Welt ≈ 9 000 000
Käichereproduktioun 2005

Referenzen[änneren | Quelltext änneren]

Um Spaweck[änneren | Quelltext änneren]

Commons: Cicer arietinum – Biller, Videoen oder Audiodateien