Cepheus (Stärebild)

Date vum Stärebild Cepheus
Däitschen Numm	Kepheus
Laténgeschen Numm	Cepheus
Laténgesche Geenitiv	Cephei
Laténgesch Ofkierzung	Cep
Positioun	Nërdleche Fixstärhimmel
Rektaszensioun	20h 00m bis 8h 20m
Deklinatioun	+53° bis +88°
Fläch	588 Quadratgrad
Siichtbar op de Breetegraden	90° Nord bis 10° Süd
Observatiounszäitraum fir Mëtteleuropa	Dat ganzt Joer
Zuel vu Stäre mat Gréisst < 3^m	1
Hellste Stär, Gréisst	α Cephei, (Alderamin), 2,45^m
Meteorstréim	keng
Nopeschstärebiller (vun Norden am Auerzäresënn)	Ursa Minor Draco Cygnus Lacerta Cassiopeia

Den Cepheus ass e Stärebild vum Nordhimmel.

Beschreiwung

Den Cepheus ass en onopfällegt Stärebild tëscht dem markanten Cassiopeia an dem Draco.

Seng hellst Stäre maachen eng Figur, déi un en Haus mat spatzem Dach erënnert.

Mythologie

Den Cepheus war no der griichescher Mythologie de Kinnek vun Ethiopien, Mann vun der Cassiopeia a Papp vun der Andromeda.

Himmelsobjeten

Stären

B	F	Numm o. aner Bezeechnungen	Gréisst	Lj	Spektralklass
α	5	Alderamin	2,45^m	49	A7 IV
β	8	Alfirk	3,15 bis 3,21^m	230	B1
γ	35	Errai, Alrari	3,21^m	50	K1 IV
ζ	21		3,39^m	800	K1 Ib
η	3	Al Kidr	3,41^m	45	K0 IV
ι	32		3,50^m	120	K1 III
δ	27		3,6 bis 4,3^m	890	F5 bis G3
μ		Granatstär	3,62 bis 5,0^m	5200	M2 Ia
ε	23		4,18^m	100	F0 IV
θ	2		4,21^m
ν	10	Cor Regis	4,25^m	~5000	A2 I-a
ξ	17	Alkurah, Kurah	4,26^m	100	A3 + F7
κ	1		4,38^m
π	33		4,41^m	200	G3 + F3
υ¹			4,52^m
	11		4,55^m
ο	34		4,75^m	150	K0 + F6
	9		4,76^m
	24		4,79^m
	16		5,04^m
λ	22		5,05^m
	19		5,07^m
	31		5,08^m
	6		5,19^m
	30		5,19^m
	18		5,26^m
	20		5,27^m
	7		5,42^m
ρ	29	Al Kalb al Rai	5,07^m

Den α Cephei, den hellste Stär am Cepheus, läit op enger Distanz vun 230 Liichtjoer vun eis ewech. Et ass e wäisselzeg-giele Stär, deen ongeféier d'Gréisst vun eiser Sonn huet.

Den Numm Alderamin ass arabesch a bedeit „de rietsen Arm“.

Duebelstären

System	Gréissten	Ofstand
β	3,2^m/7,8^m	13,3"
ζ	4,5^m/6,5^m	8,1"
δ	3,4 ^m/6,3^m	41,0"
π	4,6^m/6,6^m	1,2"
34	4,9^m/7,1^m	2,9"

De Stär β Cephei ass en Duebelstär op enger Distanz vun 230 Liichtjoer.

Den arabeschen Numm Alfirk bedeit den Trapp.

Den δ Cephei ass en Duebelstär op enger Distanz vun 890 Liichtjoer. De grousse Wénkelofstand tëscht deenen zwou Komponenten ass 41 Bousekonnen.

Den β Cephei an den δ Cephei sinn doriwwer eraus verännerlech Stären.

Verännerlech Stären

Objet	Gréisst	Period	Typ
β	3,15 bis 3,21^m	0,1904844 Deeg	Pulsatiounsverännerlechen
δ	3,6 bis 4,2^m	5,3663 Deeg	Pulsatiounsverännerlechen
μ	3,4 bis 5,1^m	zirka 730 Deeg	hallefreegelméisseg
T	5,3 bis 11,2^m	390 Deeg	Mira-Stär
ρ	4,1 bis 6,2^m	100 bis 1000 Deeg	hallefreegelméisseg

De β Cephei gëtt säin Numm fir eng Grupp vu verännerleche Stären hier: de Beta-Cephei-Stären. Et handelt sech ëm pulsatiounsverännerlech Stäre mat kuerzzäitegen Hellegkeetsschwankunge vun 2 bis 14 Stonnen. De β Cephei läit op enger Distanz vu ronn 230 Liichtjoer vun eis ewech.

Den δ Cephei gëtt och säin Numm hir fir eng bedeitend Grupp vu Verännerlechen, den Delta-Cepheiden. Dat si Risestäre mat héijer Liichtkraaft, déi en onstabile Stadium duerchlafen. Si blose sech a reegelméissegen Ofstänn op, an zéie sech nees zesummen. Déi Pulsatioun kann als reegelméisseg Hellegkeetsännerung gesi ginn. Dobäi stinn d'Liichtkraaft an d'Pulsatiounsdauer an direktem Zesummenhank. Wat de Stär méi liichtkräfteg ass, ëmsou méi lues pulséiert en. D'Delta-Cepheide kënne sou fir Distanzbestëmmunge vu Stärekéip a Galaxië gebraucht ginn.

De Stär μ Cephei gouf vum Astronom Wilhelm Herschel wéinst senger déifrouder Faarf Granatstär genannt. Et handelt sech ëm ee rouden Iwwerris mat der 60.000 facher Liichtkraaft vun eiser Sonn. Säin Duerchmiesser gëtt op dat 1.900 facht vum Sonnenduerchmiesser geschat. An eist Sonnesystem versat, géif de Stär bis bis un d'Bunn vum Planéit Saturn reechen.

Messier- an NGC-Objeten

NGC	Verschiddenes	Gréisst	Typ
6946		11^m	Galaxie
6939		9^m	Oppene Stärekoup
7023		7^m	Oppene Stärekoup
7235		7^m	Oppene Stärekoup
7380		7^m	Oppene Stärekoup
7510		7^m	Oppene Stärekoup
	IC 1396	9^m	Oppene Stärekoup