Draco (Stärebild)

Date vum Stärebild Draco
Lëtzebuergeschen Numm	Draach
Laténgeschen Numm	Draco
Laténgesche Geenitiv	Draconis
Laténgesch Ofkierzung	Dra
Positioun	Nordhimmel
Rektaszensioun	9h 20m bis 20h 40m
Deklinatioun	+47° bis +86°
Fläch	Quadratgrad
Siichtbar op de Breetegraden	90° Nord bis 15° Süd
Observatiounszäitraum fir Mëtteleuropa	Am ganze Joer
Zuel vu Stäre mat Gréisst < 3^m	3
Hellste Stär, Gréisst	Etamin (γ Draconis), 2,23^m
Meteorstréim	Draconiden
Nopeschstärebiller (vun Norden am Auerzäresënn)	Ursa Minor Ursa Major Bootes Hercules Lyra Cygnus Cepheus
Kaart vum Stärebild Draco

Den Draco (Draach) ass e Stärebild vum Nordhimmel.

Beschreiwung

Den Draach ass e grousst Stärebild, dat sech deelweis ëm den Ursa Minor krëmmt. De Kapp gëtt vu véier Stäre gezeechent, déi an der Géigend vum Hercules stinn.

Den Draco ass en zirkumpolart Stärebild, d. h., an eise Breeten ass et dat ganzt Joer ze gesinn.

Am Draco läit den Nordpol vun der Ekliptik.

Geschicht

Den Draco gehéiert zu de klasseschen 48 Stärebiller vun der Antiquitéit, déi schonn de Ptolemäus kannt huet.

An der anticker griichescher Astronomie war de Klenge Bier (Ursa Minor) Bestanddeel vum Drach, deem seng Flilleken hie gemaach huet.

Opgrond vun der Prezessiounsbeweegung vun der Äerd war den Thuban virun 5.000 Joer de Polarstär vum Nordhimmel. Déi klengst Distanz gouf zum exakten Himmelspol ëm d'Joer 2830 v. Chr. mat 10 Bouminutten erreecht.

Himmelsobjeten

Stären

B	F	Numm o. aner Bezeechnungen	Gréisst	Lj	Spektralklass
γ	33	Etamin, Etanin, Eltanin	2,23^m	150	K5 III
η	14		2,74^m	80	G8 III
β	23	Alwaid, Rastaban, Asuia	2,79^m	400	G2 II
δ	57	Altais, Al Tais, Nodus Secundus	3,07^m	100	G9 III
ζ	22	Aldhibah, Nodus I	3,17^m	300	B6 III
ι	12	Edasich, Ed Asich	3,29^m	102	K2 III
χ	44		3,57^m	25	F7 V
α	11	Thuban	3,65^m	300	A0 III
ζ	32	Grumium	3,75^m	111	K2 III
ε	63	Tyl	3,83^m	147	G7 + K5
λ	1	Gianfar, Giaufar, Juza	3,84^m	334	M0 III
κ	5		3,87^m	400	B8 III
θ	13		4,01^m	60	F8 IV
φ	43		4,22^m
ψ	31	Dsiban	4,27^m	70	F5 + F9
		HR 3751	4,29^m
τ	60		4,45^m
	17		4,5^m	300	B9 + A1 + B9
ρ	67		4,51^m
π	58		4,59^m
i	10	CU	4,65^m
ο	47		4,66^m
σ	61	Alsafi	4,68^m	18,8	K0 V
	39		4,8^m	150	A1 + A5
ω	28		4,80^m
υ	52		4,82^m
	42		4,82^m
g	18		4,83^m
ν²	25	Kuma	4,87^m	120	A5
ν¹	24	Kuma	4,88^m	120	A6
h	19		4,89^m
μ	21	Alrakis, Arrakis	4,92^m	85	F7 V + F7 V
	6		4,94^m
	4	CQ	4,95^m
	54		4,99^m
	15		5,00^m
	30		5,02^m
	36		5,03^m
	35		5,04^m
c	46		5,04^m
f	27		5,05^m
	59		5,13^m
	2		5,20^m
	73		5,20^m
	26		5,23^m	50	G0 + K3
	8		5,24^m
	3		5,30^m
	9		5,32^m
	50		5,35^m
	51		5,38^m
	7		5,43^m
ψ	34		5,45^m
	75		5,46^m
	49		5,48^m

D'Nimm vun de Stären Ettanin, Thuban a Rastaben sinn arabesch a leede sech aus der arabescher Bezeechnung fir Draach of.

Ettanin, den hellste Stär am Draco, läit op enger Distanz vun 150 Liichtjoer an huet d'Spektralklass K5 III.

Duebelstären

System	Gréissten	Ofstand
ε	3,9^m/7,3^m	3,2"
ψ	4,6^m/5,8^m	30,3"
ν	4,9 ^m/4,9^m	61,9"
39	5,0^m/7,8^m/7,2^m	3,9" und 89"
26	5,3^m/8,0^m	1,7"
17	5,4^m/6,4^m	3,3"
μ	5,7^m/5,7^m	1,9"

De ν Draconis ass en Duebelstäresystem op enger Distanz vun 120 Liichtjoer. Déi zwou Komponente leien op engem wäite Wénkelofstand vu bal 62 Bousekonnen.

Den 39 Draconis ass e Méifachstäresystem op enger Distanz vun 150 Liichtjoer. Dräi Stären ëmkreesen e kollektive Schwéierpunkt.

Verännerlech Stären

Stär	Gréisst	Period	Typ
R	6,7^m–13^m	245,5 Deeg	Mira-Typ
T Dra	7,2^m–13,5^m	421,2 Deeg	Mira-Typ
RY Dra	6,5^m–8,0^m	172 Deeg	hallefreegelméisseg Verännerlechen

D'Stären R an T Draconis si pulsatiounsverännerlech Stäre vum Typ Mira. Et handelt sech dobäi ëm liichtkräfteg rout Risen oder Iwwerrisen, déi sech rhythmesch opblosen an nees zesummenzéien, wat als däitlech Hellegkeetsschwankung observéiert ka ginn. Wärend dem Maximum ginn R an T sou hell, datt si mat engem Teleskop gutt ze gesi sinn. Am Minimum fält d'Hellegkeet ënner 13^m erof.

Messier- an NGC-Objeten

Messier (M)	NGC	Gréisst	Typ	Numm
102	5866	9^m	Galaxie
	5907	10^m	Galaxie
	6503	10^m	Galaxie
	6543	9^m	Planetaresch Niwwel	Kazenaniwwel

Den NGC 6543 ass e planetareschen Niwwel. Am Zentrum ass en extreem waarme Wäissen Zwergstär. De komplexen Opbau vum Niwwel, deen him den Numm Kazenaniwwel ginn huet, gëtt eréischt op laangbeliichte Fotoe siichtbar.

De Messierobjet M 102 ass eng Spiralgalaxie vum Typ S0 a läit op enger Distanz vun 30 Millioune Liichtjoer vun eis ewech.

Den NGC 5907 an den NGC 6503 si Spiralgalaxië vum Typ Sc a leien 30 respektiv .15 Millioune Liichtjoer vun eiser Äerd ewech.