Clerke (Moundkrater)

Clerke

De Clerke an d'Rimae Littrow (Foto: Apollo 17)
Koordinaten	21°40'48"N, 29°48'0"O
Duerchmiesser	6,66 km
Déift	1.440 m
Selenographesch Längt	330° bei Sonnenopgank
Genannt no	Agnes Mary Clerke
Genannt am Joer	1973
Moundvéiereck	LQ12

De Clerke ass e klengen Aschlagkrater no beim Eck vum Mare Serenitatis op der viischter Moundsäit. De bal kreesronnen, tasefërmege Krater läit an der Mëtt vun engem als Rimae Littrow bezeechente System vu Rillen, dat nom Littrow-Krater am Osten dervun, genannt ass. Hien huet eng relativ héich Albedo.

An engem Dall südëstlech vum Krater ass d'Landeplaz vun der Apollo 17.

Viru senger Ëmbenennung duerch d'I.A.U. (IAU) am Joer 1973 gouf de Clerke als Littrow B bezeechent.

Nërdlech vum Clerke läit d'Kraterketten Catena Littrow.

De Krater gouf no der iresch-brittescher Astronomin Agnes Mary Clerke (1842–1907) genannt.

Kuckt och

Portal Astronomie

• Lëscht vun de Maria um Äerdmound
• Lëscht vun Däller um Äerdmound
• Lëscht vun den Äerdmoundkrateren
• Lëscht vu Rillestrukturen um Äerdmound
• Lëscht vu Bierger um Äerdmound
• Südpol-Aitken-Becken

Um Spaweck

• Moundkaart Nr 42: De Krater Clerke läit an der Mëtt ganz riets
• Krater Clerke im "Digital Lunar Orbiter Photographic Atlas of the Moon"