Edward J. Steichen (Film)
.jpg) | |
| Film | |
|---|---|
| Produktiounsland |
Lëtzebuerg Belsch Frankräich |
| Première | 1995 |
| Dauer | 52 min |
| Originalsprooch |
Lëtzebuergesch Franséisch Englesch |
| Ekipp | |
| Regie | Claude Waringo |
| Dréibuch |
Claude Waringo Frédéric Fichefet |
| Fotografie | Jean-Louis Sonzogni |
| Musek | Jeannot Sanavia |
| Schnëtt | Frédéric Fichefet |
| Produzent | Jani Thiltges |
| Produktiouns- gesellschaft | Samsa Film, Simple Productions (BE), Lieurac Productions (FR), Les Films de Mai (FR) |
| Schauspiller | |
| keng (Documentaire) | |
Filmportal - Filmer no Joren - Film no Länner - Film no Genre  | |
Edward J. Steichen ass en Documentaire vum Claude Waringo iwwer de lëtzebuergesch-US-amerikanesche Fotograf Edward Steichen aus dem Joer 1995.
Ëm wat geet et am Film?
[änneren | Quelltext änneren]Den Edward J. Steichen ass e Fotograf. Hien ass mat sengen Elteren am Alter vun 18 Méint aus Lëtzebuerg an d'USA emigréiert, an huet seng éischt Foto mat 16 gemaach.
Um Ufer vum Michigan-Séi dreemt hie vun engem Kënschtlerliewen. Sechs Joer méi spéit begéint hien den Auguste Rodin. Spéider presentéiert hien de Pablo Picasso a sengen eegene Gallerien zu New York an erfënnt déi modern Mouden- a Krichsfotografie. Hien organiséiert eng Ausstellung, déi méi wéi 9 Millioune Visiteuren unzitt: The Family of Man. Géint dem Enn vu sengem Liewe filmt hien e Bam hannert sengem Haus wärend fënnef Joer. Virun allem awer war hien zu senger Zäit de weltwäit bekanntste Portraitfotograf.[1]
Filmproduktioun
[änneren | Quelltext änneren]D'Produktioun vum Documentaire gouf mat enger Rei Subside vum Lëtzebuerger Filmfong ënnerstëtzt. Esou krut d'Firma TIVA-Film 1990 e Subside an Héicht vu 500.000 Lëtzebuerger Frang fir de Film ze schreiwen.[2] D'Joer drop krut Samsa Film e Subside fir déi selwecht Aufgab an dem selwechte Montant.[3] 1992 ass dunn e Subside vun aacht Millioune Frang fir d'Produktioun dobäikomm[4] an 1993 dunn nach eng Kéier en europäesche Subside vun Eurimages an Héicht vun 300.000 franséische Frang.[5] 1996 koum nach eng "Aide à la distribution" vun 1,5 Millioune Lëtzebuerger Frang vum Filmfong dobäi.[6] 1998 huet de Filmfong e Subside vu 400.000 Frang accordéiert, fir de Film op VHS-Kassetten an den USA u bestëmmte Photographen, déi vum New Yorker Museum of Modern Art erausgesicht goufen, ze schécken.[7] 2000 koum eng weider "Aide à la distribution" vu 450.000 Frang dobäi.[8]
De Film gouf den 13. Januar 1996 um lëtzebuergeschen RTL ausgestraalt, an och op der belscher Televisioun.[9]
Präisser
[änneren | Quelltext änneren]De Film gouf op enger Rei Filmfestivaller gewisen, dorënner zu Bréissel, Edinburgh, Florenz, Montréal a São Paulo.[10]
Wat sot d'Press?
[änneren | Quelltext änneren]De Jean-Pierre Thilges huet an der Revue Nr. 49/95 geschriwwen:
Le cinéaste réussit (...) à nous présenter les facettes multiples du personnage, tout en se gardant de trop expliquer et d'analyser à mort un homme qui comme tout homme avait ses secrets et ses contradictions.
Kuckt och
[änneren | Quelltext änneren]Um Spaweck
[änneren | Quelltext änneren]- Edward J. Steichen op samsa.lu (fr)
- Edward J. Steichen op filmfund.lu (fr)
Referenzen
[Quelltext änneren]- ↑ De Film op film-documentaire.fr
- ↑ Rapport d'activité du Ministère de la Culture 1990, Säit 68
- ↑ Rapport d'activité du Ministère des Affaires culturelles 1991, Mäerz 1992, Säit 92
- ↑ Rapport d'activité du Ministère des Affaires culturelles 1992, Mäerz 1993, Säit 60
- ↑ Rapport d'activité du Ministère des Affaires culturelles 1993, Mäerz 1994, Säit 73
- ↑ Rapport d'activité du Ministère de la culture 1996, Mäerz 1997, Säit 108
- ↑ Rapport d'activité du Ministère de la culture 1998, Mäerz 1999, Säit 204
- ↑ Rapport d'activité du Ministère de la Culture 2000, Säit 208
- ↑ Rapport d'activité du Ministère de la culture 1995, Mäerz 1996, Säit 104
- ↑ De Film op simpleproduction.be