Europäesche Biber

Vu Wikipedia
Op d'Navigatioun wiesselen Op d'Siche wiesselen
Nuvola apps kuickshow.png Dëse Biologiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Europäesche Biber
Europäesche Biber
Europäesche Biber
Aner Sproochen: fr: Castor commun / Castor d'Europe
de: Europäischer Biber
Systematik
Räich: Déiereräich
Stamm: Chordata
Klass: Mamendéieren
Uerdnung: Knabberdéieren
Famill: Biberen (Castoridae)
Gattung: Castor
Wëssenschaftlechen Numm
Castor fiber
Linnaeus, 1758


Den Europäesche Biber (Castor fiber), och Eurasesche Biber genannt, ass dat gréisst Knabberdéier an Europa. Seng Längt vum Kapp bis zum Schwanz ass 80 bis 102 cm an de Schwanz eleng ka bis 35 cm laang ginn.

Ausgewuessen Déiere weien tëscht 23 an 30 kg. Se liewe semiaquatesch a wunnen a Fléissgewässer an am Beräich vun den Uwänner. Si schaffen aktiv un hirem Liewensraum an erniere sech nëmme vu Planzen.

De Biber zu Lëtzebuerg[änneren | Quelltext änneren]

Ronn 200 Joer laang war de Biber zu Lëtzebeurg ausgestuerwen. Wéinst sengem Pelz, sengem Fleesch an dem sougenannte "Bibergeil" - en Drüsesekret, deem eng heelend Wierkung a méi Potenz nogesot gouf - gouf e gejot an um Enn och ausgerott.

Duerch Auswëlderungsprojeten an der Belsch, an der Nordäifel, am Saarland an och laanscht d'Uewermusel a Frankräich an den 1980er an 1990er Joren huet sech de Bestand nees erholl. Eenzeldéieren hunn de Wee op Lëtzebuerg fonnt an ufanks vun den 2010er Joere gouf et dunn och bei eis nees eng kleng Biberpopulatioun.

2022 ass de Biber haaptsächlech un der Uewersauer, der Uelzecht, der Äisch an un der Atert ze fannen. Enn 2021 goufen 80 Revéiere gezielt. 2019 waren et der just 38. Et geet een dann och dovun aus, dass e sech nach weider wäert ausbreeden.[1]

Um Spaweck[änneren | Quelltext änneren]

Commons: Castor fiber – Biller, Videoen oder Audiodateien

Referenzen[Quelltext änneren]

  1. "Internationaler Tag des Bibers: Monitoring 2021 − 80 Biberreviere kartiert." Communiqué vun der Naturverwaltung, 07.04.2022, op gouvernement.lu.