Louis Dagois
| Louis Dagois | |
|---|---|
 | |
| Gebuer | 20. Dezember 1801 |
| Gestuerwen | 26. Dezember 1865 |
| Nationalitéit | Lëtzebuerg |
| Aktivitéit | Ingenieur |
 | |
De Louis Dagois, gebuer den 20. Dezember 1801 zu Paräis, a gestuerwen de 26. Dezember 1865 zu Dikrech, war e franséisch-lëtzebuergeschen Ingenieur.
Vun 1827 bis 1830 huet hien als Ingenieur um Bau vum Meuse-Musel-Kanal geschafft. Zu där Zäit, a bis zu sengem Doud, huet hien zu Dikrech gewunnt. Nom Baustopp um Kanal (1830) huet hien als fräien Ingenieur geschafft, bis hien de 6. Juni 1843 vum Lëtzebuerger Staat ugestallt gouf. D'Plaz vum Ingénieur d'arrondissement an och dee vum Gemenge-Conseiller an der Gemeng Dikrech huet hie bis zu sengem Doud behalen[1].
Auswiel vu senger Wierker:
- d'Nationalstrooss Lëtzebuerg Stad - Dikrech
- d'Kierch (1840-1842) zu Dikrech
- d'Kierch (1840-1842) zu Ettelbréck
- d'Gebai vum Bezierksgeriicht (1849) zu Dikrech
- d'Kierch zu Mäerzeg
Literatur
[änneren | Quelltext änneren]- Gilbert, P., 1986. Luxembourg. La capitale et ses architectes. Institut grand-ducal, section des arts et des lettres, 222 S. (Cf. S. 153). Imprimerie Saint-Paul. Cote BNL LB 1061.
Referenzen
[Quelltext änneren]- ↑ Cf P. Gilbert 1986 fir d'Biographie an och d'Wierker vum Louis Dagois (Stand August 2010).