Ministère de la Sécurité sociale

Ministère de la Sécurité sociale
Ministère fir sozial Sécherheet
Land	Lëtzebuerg
Minister	Claude Haagen
Verwaltungssëtz	Lëtzebuerg
Adress	26, rue Sainte-Zithe L-2763 Lëtzebuerg
Ënnersteet der/dem	Lëtzebuerger Regierung
Gegrënnt	1984
Opgeléist	17. November 2023
Um Spaweck	https://mss.gouvernement.lu/

De Ministère fir sozial Sécherheet, (fr: Ministère de la sécurité sociale) war bis de 17. November 2023 en eegestännege Ministère zu Lëtzebuerg, dee sech drëm këmmert huet, fir de Bierger d'sozial Sécherheet ze garantéieren.

Mat der Regierung Frieden-Bettel gouf de Ministère de 17. November 2023 mat deem vun der Gesondheet zesummegeluecht.

Allgemenges

De Ministère këmmert sech ëm d'Risiken an d'Besoine vun de Bierger an de Beräicher vun der Krankheet, dem Alter, der Ofhängegkeet, der Invaliditéit an den Aarbechtsaccidenter.

Kompetenz vum Ministère

D'Servicer a Verwaltungen déi ënnert der Kompetenz vum Ministère fir sozial Sécherheet waren, sinn am Arrêté grand-ducal vum 28. Mee 2019 festgehalen. Dozou gehéieren ë. a.:

• Generalinspektioun vun der sozialer Sécherheet,
• Medezinesche Kontrolldéngscht vun der sozialer Sécherheet,
• Administratioun fir d'Evaluatioun an d'Kontroll vun der Fleegeversécherung,
• Zenter fir Sozialversécherungen,
• Gesondheetskeess,
• Onfallversécherung.

Historique vum Ministère

Iwwer d'Joren hat d'„sozial Sécherheet“ en eegestännege Ministère, war mat anerer Ressorte kombinéiert oder deels an anere Ministèren integréiert; virun 2023 huet de Ministère en z. B. Ministère de la sécurité sociale geheescht.

Kuckt och

• Regierung (Lëtzebuerg)
• Lëscht vun de lëtzebuergesche Ministere fir sozial Sécherheet

Um Spaweck

Commons: Ministère de la Sécurité sociale – Biller, Videoen oder Audiodateien

• De Ministère op gouvernement.lu, der Websäit vun der Regierung