Claude Haagen

Vu Wikipedia
Op d'Navigatioun wiesselen Op d'Siche wiesselen
Claude Haagen
Claude Haagen, Ausstellung «Luxemburger in der Polizei des NS-Staates»-101.jpg
Gebuer 18. Mee 1962
Dikrech
Nationalitéit Lëtzebuerg
Aktivitéit Politiker, Handballspiller
Partei LSAP
Wikidata-logo-without-paddings.svg

De Claude Haagen, gebuer den 18. Mee 1962 zu Dikrech, ass e lëtzebuergeschen Enseignant, Politiker (LSAP) a fréieren Handballspiller. Hien ass zanter dem 5. Januar 2022 Minister fir Landwirtschaft, Wäibau a ländlech Entwécklung, souwéi Minister fir Sozialversécherung an der Regierung Bettel-Lenert-Bausch.[1]

Politesch Carrière[änneren | Quelltext änneren]

Hien war vun 2001 bis 2005 Buergermeeschter vun der Gemeng Dikrech, dono war hien, bis 2011, Member vum Dikrecher Gemengerot, an dann nees vun 2011[2] (2017 erëmgewielt[3]) bis Enn 2021, Buergermeeschter.

Bei de Chamberwale vum 7. Juni 2009 war de Claude Haagen Kandidat op der LSAP-Lëscht fir den Nord-Bezierk. Hien ass an d'Chamber 'nogeréckelt', nodeem de Romain Schneider zum Minister ernannt gi war. Bei de Chamberwale vum 20. Oktober 2013 gouf hien erëmgewielt, a bei deene vum 14. Oktober 2018 ass hien de 6. Dezember nees fir de Romain Schneider 'nogeréckelt'.[4] De 5. Januar 2022 ass hien erëm eng Kéier fir de Romain Schneider 'nogeréckelt', ma ewell an d'Regierung, wou en dem Schneider, deen zeréckgetruede war, seng Portefeuillë Landwirtschaft a Sozialversécherung iwwerholl huet.

Hie war ausserdeem vu Mäerz 2014[5] bis Januar 2019 Parteipresisdent vun der LSAP.[6]


Sportlech Carrière[änneren | Quelltext änneren]

1982 war de Claude Haagen fir d'éischt am Kader vun der lëtzebuergescher Härenhandballnationalekipp. Hien huet 65-mol an der Nationalekipp gespillt, an huet 29 Goler geschoss[7].

Vun 2010 bis 2018 war hie President vun der Fédération luxembourgeoise d'athlétisme[8].

Um Spaweck[änneren | Quelltext änneren]

Commons: Claude Haagen – Biller, Videoen oder Audiodateien

Referenzen[Quelltext änneren]

  1. "Les nouveaux ministres prêteront serment le 5 janvier." paperjam.lu, 30.12.2021,
  2. Arrêté grand-ducal du 28.10.2011
  3. "Claude Haagen bleift Buergermeeschter." rtl.lu, 8.10.2017, 16:24:01.
  4. Actualité of chd.lu.
  5. "LSAP: Claude Haagen neie Parteipresident." rtl.lu, 30.03.2014, 18:26:15.
  6. "De Franz Fayot ass neien LSAP-President, Tom Jungen Generalsekretär ". rtl.lu, 23.01.2019, 08:25:03.
  7. http://web.archive.org/web/20170629041236/http://www.flh.lu/index.php?site=page&id=sats-1946-2016-28049
  8. Stéphanie Empain ouni Géigekandidatur als Presidentin gewielt op rtl.lu den 1. Dezember 2018, fir d'lescht gekuckt den 3. Dezember 2018