Paul Dahm

Vu Wikipedia
Paul Dahm
Gebuer 30. Dezember 1951
Nidderkäerjeng
Nationalitéit Lëtzebuerg
Aktivitéit Komponist

De Paul Dahm, gebuer den 30. Dezember 1951 zu Nidderkäerjeng, ass e lëtzebuergesche Komponist a Museker, deen zu Märel wunnt. Hien ass bestuet a Papp vun enger Duechter an zwéi Jongen, vun deenen een de Museker Pit Dahm ass.

Säi Liewen[änneren | Quelltext änneren]

Vun 1959 bis 1965, a vun 1969 bis 1977, besicht hien den Escher Conservatoire. Do léiert hie Solfège, Harmonie, Kontrapunkt, Piano, Saxophon, Klarinett a Flütt. Vun 1965 bis 1975 mécht hien Uergel, Harmonie, Kontrapunkt a Musekgeschicht am Conservatoire vun der Stad Lëtzebuerg.

1974 kënnt hien als Saxophonist an d'Militärmusek, wou hien 1978 d'Big Band grënnt. Als Museker huet hie mat praktesch alle Museker an a ville Bands geschafft. Vun 1987 un ass hie Chargé de cours an der Péitenger Musekschoul, wou e Saxophon, Jazz, an Harmoniecoursen hält an eng Big Band opbaut, déi mat vill Succès optrëtt. Vun 1992 un dirigéiert hien déi nei gegrënnt Douane's Musek, fir déi e vill Arrangementer schreift. Hien ass och Grënner an Dirigent vun der Märeler Big Band (2014), a Grënner an Arrangeur vun der Luxembourg Little Big Band.

Säi Wierk[änneren | Quelltext änneren]

Déi meescht Stécker si vun der Militärmusek opgeholl ginn

  • Happy Marching
  • Buergmarsch (Prix Grand-Duc Adolphe)
  • De Kordallmarsch (2. Präis fir d' 200 Joerfeier vun der Gemeng Péiteng)
  • Accord de Schengen (Prix Grand-Duc Aldophe)
  • Just for Fun
  • Marche des Douanes et Accises
  • D'Kaweechelchen
  • D'Walfer Kasären (Text: Pol Pütz)
  • Famill '94 (Ministère de la Famille)
  • Family of Man (CD Lieux de mémoire et d'avenir Canton Clierf)
  • Wormer Marsch
  • Om Knapp (50 Joer Biwer Musek)
  • Postscriptum
  • De Iuventute (Freedefeier 2004)
  • Marche du 100. anniversaire de la Fanfare Sandweiler
  • Marche Grande-Duchesse Maria-Teresa
  • Lucilinburhuc (100 Joer Merter Musek)
  • Bonnevilla (50 Joer Fanfare Prince-Henri)
  • Aus der Déift, Psalm 130 (Prix d'encouragement Union St. Pie X)
  • Den Här ass mäin Hiert, Psalm 23
  • Eise Papp am Himmel (Vater Unser)
  • Vu Fonken an Äschen (100 Joer Neiduerfer Musek)
  • 100 Jor Stad Déifferdeng (Text: Fränz Goergen)
  • Pësselbuer Suite (125 Joer Fanfare Niederkorn)
  • Kordall Memories (100 Joer Harmonie Municipale Pétange)
  • For Diffwinds (Diffwinds Festival 2010)
  • Millemarsch (50 Joer Fanfare Huncherange-Noertzange-Fennange)
  • Paul Dahm meets Johann Sebastian Bach (Freedefeier 2010)
  • Rippsmarsch (2013)
  • Kompositioune fir Big Band

Iwwer 200 Arrangementer fir Big Band, Sträichorchester, Blosorchester asw. Déi meescht Wierker si beim hollännesche Verlag Bronsheim opgeluecht.

Um Spaweck[änneren | Quelltext änneren]