Putty Stein

Vu Wikipedia
Putty Stein
Gebuer 16. Abrëll 1888
Gestuerwen 23. Dezember 1955
Nationalitéit Lëtzebuerg
Aktivitéit Schrëftsteller

De Pierre Ernest Théodore Stein, genannt Putty Stein (nom Zweete Weltkrich Poutty), gebuer de 16. Abrëll 1888 zu Bierg an der Gemeng Bierg (zanter 1991 Colmer-Bierg), a gestuerwen den 23. Dezember 1955 an der Stad Lëtzebuerg, war e lëtzebuergesche Schrëftsteller, Kabarettist a Chansonnier. Hie gouf duerch seng Gedichter a Lidder op Lëtzebuergesch bekannt, déi hien, wéi den Auguste Liesch, an enger zolitter Sprooch geschriwwen huet.

Bekannt Interprete vum Putty Stein senge Wierker waren den Auguste Donnen, de Pierre-Toussaint Stefani, genannt Litty, de Léon Moulin an den Hary Haagen[1].

Säi Liewen[änneren | Quelltext änneren]

De Gebuertsschäi vum Putty Stein
De Putty Stein an de Guido Oppenheim examinéieren eng ausgestallte Guillotine.

De Putty Stein hat no senger Première am Kolléisch e Studium als Forstingenieur zu München gemaach, hat awer keen Ofschlossdiplom an huet vun 1912 un eng Zäit an enger ënneschter Carrière op der Forstverwaltung geschafft. 1920 ass hie bei d'ARBED gewiesselt a war do Attaché de direction. 1953 gouf en aus gesondheetleche Grënn pensionéiert.

Säi Wierk[änneren | Quelltext änneren]

  • Dem Poutty Stein seng bescht Liddercher. Als Manuskript gedréckt, Texter goufen zesummegestallt vum "Péiter Faber", 1. Oplo 1959, 1973 koum eng nei Editioun eraus. Den Titel vun deem Bichelchen ass net einfach ze definéieren: Um Réck vum Buch steet: "Poutty Stein - Seng bescht Liddercher" ; um Titelbild "dem Poutty Stein seng bescht Liddercher".

En Deel vum Putty Stein sengem literareschen Archiv gëtt am Nationale Literaturzentrum zu Miersch versuergt[1].

  • Ëmmer owes, wann et stëll get op d'Weis vun An der Donau wenn der Wein blüht, 1943
  • Nationalmarsch, mam Refrain:
    • "Du meng Heemecht, Lëtzebureg,
    • Staark am Soff, mee soss net ureg
    • Huewermiel gët Huewerpangkuch
    • ..."
  • D'Hamster kommen, op d'Weis vun Monsieur Trottin
  • D'Fescher an d'Jeer, (1939) (gesammelt fir den Saint-Hubert-Club)
  • Vu Cuba erëm
  • De Bumski an ech

Nom Putty Stein benannt[änneren | Quelltext änneren]

Eng Strooss rue Poutty Stein:

  • Zanter 1995 zu Bierg (PLZ 7739)
  • um Kierchbierg an der Stad Lëtzebuerg (PLZ 2554)

Monument Putty Stein[änneren | Quelltext änneren]

1996 gouf zu Colmer-Bierg am Park e Monument, dat vum Georges Baden geschaaft gouf, zu Éiere vum Putty Stein ageweit.

Literatur[änneren | Quelltext änneren]

  • Guy Schons: Putty Stein 1888-1955 und die populäre Musik seiner Zeit Band 1, 2,3., Eegeverlag Guy Schons, 1996-1999. ISBN 2-9599911-0-9 (Bd. 1), ISBN 2-9599911-9-2 (Bd. 2), ISBN 2-9599911-3-3 (Bd. 3). Eng groussaarteg recherchéiert a presentéiert Biographie, déi en ausféierleche bléck op de Putty Stein a senger Zäit bitt.
  • Jules Mersch: Les Hastert du Grund an der Biographie Nationale, fascicule 1962 XI, S. 25 ff. (Biographesch Eenzelheeten iwwer de Poutty Stein)
  • Fernand Hoffmann: Geschichte der Luxemburger Mundartdichtung. (1964 a 1967), Dréckerei Bourg-Bourger, (Zwéi Bänn)
  • Rob Zeimet: Ein literarisches Original - Satiriker, Gesellschaftskritiker, Moralist: Putty Stein vor 60 Jahren verstorben an Die Warte vum 3. Dezember 2015, S. 2-3

Um Spaweck[änneren | Quelltext änneren]

Commons: Putty Stein – Biller, Videoen oder Audiodateien

Referenzen an Notten[Quelltext änneren]

  1. 1,0 1,1 Rob Zeimet, 2015