Sébastien vu Lëtzebuerg

Vu Wikipedia
Op d'Navigatioun wiesselen Op d'Siche wiesselen
Sébastien vu Lëtzebuerg, Oktober 2012.

De Sébastien Henri Marie Guillaume, gebuer de 16. Abrëll 1992 an der Maternité Grande-Duchesse Charlotte zu Lëtzebuerg ass Prënz vun Nassau a Prënz vu Lëtzebuerg.

Liewen[änneren | Quelltext änneren]

Hien ass dat fënneft a jéngst Kand vum Groussherzog Henri a senger Fra, der Groussherzogin Maria Teresa.

De Prënz Sébastien ass zanter 2010 Titulaire vum Ordre du Lion d'or de la Maison de Nassau.

Studien[änneren | Quelltext änneren]

Déi éischt Jore vun der Primärschoul huet en zu Lëtzebuerg op der St. George's International School gemaach an de Rescht a Groussbritannien op der Summer Fields School. Seng Sekundarstudien huet hien a Groussbritannien um Ampleforth College ugefaangen an duerno an der International School of Luxembourg fäerdeg gemaach, wou en 2011 den Ofschlossdiplom kritt huet.

Hien ass zur Zäit am Gaang Universitéitsstudien an den USA a Marketing a Kommunikatioun ze maachen.

Patronagen[änneren | Quelltext änneren]

De Prënz Sébastien mécht de Patronage vun der Fédération luxembourgeoise de natation et de sauvetage.

Um Spaweck[änneren | Quelltext änneren]

Commons: Sébastien vu Lëtzebuerg – Biller, Videoen oder Audiodateien