Alexandra vu Lëtzebuerg

Vu Wikipedia
Op d'Navigatioun wiesselen Op d'Siche wiesselen
Alexandra vu Lëtzebuerg
Alexandra de Luxembourg - cropped.jpg
D'Prinzessin Alexandra (2008)
Titelen
Biographie
Gebuer 16. Februar 1991
Lëtzebuerg
Papp Henri vu Lëtzebuerg
Mamm Maria Teresa Mestre
Geschwëster Guillaume vu Lëtzebuerg, Félix vu Lëtzebuerg, Louis vu Lëtzebuerg, Sébastien vu Lëtzebuerg
Monogramm vun der Prinzessin Alexandra

D'Alexandra Joséphine Teresa Charlotte Marie Wilhelmine vu Lëtzebuerg, gebuer de 16. Februar 1991 an der Maternité Grande-Duchesse Charlotte zu Lëtzebuerg, ass Prinzessin vu Lëtzebuerg a Prinzessin vun Nassau a Bourbon-Parma.

Liewen[änneren | Quelltext änneren]

Si ass dat véiert Kand an eenzeg Duechter vum Groussherzog Henri a senger Fra, der Groussherzogin Maria Teresa. Si ass d'Giedel vum Prënz Gabriel.

D'Prinzessin Alexandra ass zanter 2009 Titulaire vum Ordre du Lion d'or de la Maison de Nassau.

Studien[änneren | Quelltext änneren]

No der Primärschoul zu Angelsbierg huet si hire Secondaire zu Lëtzebuerg am Lycée Vauban gemaach wou se 2009 den Ofschlossdiplom krut.

Si huet duerno Psychologie a Sozialwëssenschaften an den USA studéiert an duerno e Philosophieofschloss zu Paräis gemaach, mam Schwéierpunkt Eethik an Anthropologie. Si huet duerno hire Studium um Trinity College zu Dublin ofgeschloss.

Zanter 2017 huet Si e Master an interreliéisen Studien vun der Irish School of Ecumenics mat enger Spezialisatioun an der Konfliktléisung.

Patronagen[änneren | Quelltext änneren]

D'Prinzessin Alexandra iwwerhëlt e Patronage vun der Lëtzebuerger Déiereschutzliga an der Lëtzebuerger Blannevereenegung.

Fräizäit[änneren | Quelltext änneren]

D'Prinzessin Alexandra beschäftegt sech mat Literatur a frieme Kulturen. Si mécht Sport an huet eng Zäit laang gedanzt a geturnt. Hautdesdaags spillt se Tennis, fiert Schi a Waasserschi.

Gielercher[änneren | Quelltext änneren]

Um Spaweck[änneren | Quelltext änneren]

Commons: Alexandra vu Lëtzebuerg – Biller, Videoen oder Audiodateien