Solar and Heliospheric Observatory
De Solar and Heliospheric Observatory (SOHO) ass eng Raumsond respektiv e Weltraumobservatoire vun der ESA a vun der NASA.
Missioun
[änneren | Quelltext änneren]D'Aufgab vum SOHO ass d'Erfuersche vun der Sonn. De SOHO vereenegt dobäi europäesch an US-amerikanesch Sondepläng vun den 1980er Joren. D'ESA war verantwortlech fir d'Leedung vun der Missioun a stellt néng Experimenter. D'NASA stellt dräi Experimenter a war fir d'Drorakéit zoustänneg. D'Kommunikatioun mat dem SOHO a seng Steierung goufe vun der NASA gemaach.
Opbau
[änneren | Quelltext änneren]
De SOHO ass en dräiachsstabiliséierte modular opgebaute Satellit, dee permanent op d'Sonn ausgeriicht ass. En ass ronn 4,3 × 2,7 × 3,7 Meter grouss (9,5 Meter mat ausgefuerene Solarzellen) an ongeféier 610 kg (1.850 kg beim Start) schwéier. Iwwer d'High-Gain-Haaptantenn kënne Biller an Donneeë mat enger Quot vun 200 kbit/s op d'Äerd geschéckt ginn. D'Empfanksstatioune sinn d'Ariichtunge vum Deep Space Network vun der NASA. De SOHO gouf vun engem europäeschem Team ënner der Leedung vun Astrium gebaut.
Verlaf
[änneren | Quelltext änneren]Den 2. Dezember 1995 gouf de SOHO vun der Weltraumgare Cape Canaveral vun der NASA mat enger Atlas-II-AS-Rakéit gestart.
En ass an engem Halo-Orbit mat 600.000 km Radius ëm de Lagrange-Punkt L1, op enger Distanz vu ronn 1,5 Millioune Kilometer zu der Äerd. An dësem Orbit huet e wéinst der Äerdunzéiung déi selwecht Ëmlafzäit ëm d'Sonn wéi d'Äerd a ka sech do ouni Energieopwand halen. Vun der Äerd aus gesi steet d'Sond ëmmer an der Géigend vun der Sonn. Si huet dobäi awer ëmmer genuch Ofstand, soudatt engersäits de Bléck vum Observatoire op d'Sonn net duerch den Äerdmound oder duerch d'Äerd gestéiert ka ginn, awer anerersäits Funkverkéier méiglech ass.
Am Joer 2003 war en Ausriichtungsmotor vun der Haaptantenn ausgefall. Duerch méi eng grouss Empfangsantenn op der Äerd konnt dee Problem behuewe ginn.
Déi kriteschst Situatioun gouf et awer schonn an der Ufanksphas vun der Missioun. De 25. Juni 1998 war wärend engem normale Bunnmanöver de Kontakt mat der Sond verluer gaangen[1]. Eréischt mat Hëllef vum Radioteleskop vun Arecibo (305 m Duerchmiesser) an dem Goldstone (70 m) war et gelongen, de SOHO ze lokaliséieren[2] an den 3. August 1998 mat Hëllef vum Deep Space Network de Kontakt nei opzebauen[3]. Eng laangwiereg a schwiereg Reaktivéierungsprozedur war uschléissend ugesot[4],[5]. Vollstänneg asazbereet war SOHO de 5. November 1998[6],[7].
De SOHO ass nach ëmmer d'Flaggschëff vun der Sonnefuerschungssonden. D'Missioun gouf am Oktober 2009 bis Dezember 2012 verlängert.
Wëissenschaftlech Experimenter
[änneren | Quelltext änneren]
Nofollgend eng Lëscht vun Ariichtungen an Experimenter vum SOHO:
- CDS (Coronal Diagnostic Spectrometer)
- CELIAS (Charge, Element, and Isotope Analysis System; Universitéit Bern)
- COSTEP (Comprehensive Suprathermal and Energetic Particle Analyzer; Universitéit Kiel)
- EIT (Extreme ultraviolet Imaging Telescope; NASA / Goddard Space Flight Center)
- ERNE (Energetic and Relativistic Nuclei and Electron experiment; Universitéit Turku an Finnland)
- GOLF (Global Oscillations at Low Frequencies; Institut d'Astrophysique Spatiale, Frankräich)
- LASCO (Large Angle and Spectrometric Coronagraph; Naval Research Laboratory, USA an Max-Planck-Institut fir Sonnesystempfuerschung)
- MDI/SOI (Michelson Doppler Imager/Solar Oscillations Investigation; Stanford-Universitéit)
- SUMER (Solar Ultraviolet Measurements of Emitted Radiation; Max-Planck-Institut fir Sonnesystempfuerschung an Goddard Space Flight Center, USA)
- SWAN (Solar Wind Anisotropies; FMI, Finnland und Service d'Aeronomie, Frankräich)
- UVCS (Ultraviolet Coronagraph Spectrometer; Harvard-Smithsonian Center for Astrophysics, USA)
- VIRGO (Variability of Solar Irradiance and Gravity Oscillations; Europäescht Weltraumfuerschungs- an Technologiezentrum)
Obschonn d'Sond am Ufank net extra dofir virgesi war, konnte mat SOHO och iwwer dausend bis elo onbekannt Koméiten entdeckt ginn. D'Koméite sinn opgefall, wa se sech duerch d'Siichtfeld vum LASCO-Detekter beweegt hunn. Fir vum LASCO erfaasst ze ginn, mussen déi Koméiten méi no wéi 800.000 km bei d'Sonn kommen, dofir nennt een déi Grupp och Sungrazer.
Kuckt och
[änneren | Quelltext änneren]
- Satellitte fir Sonnefuerschung:
- Lëscht vun onbemannte Raumfaartmissiounen
Um Spaweck
[änneren | Quelltext änneren]| Commons: Solar and Heliospheric Observatory – Biller, Videoen oder Audiodateien |
- (en) NASA: SOHO
- (en) ESA: SOHO
- EADS Astrium – SOHO
- Detailléiert Beschreiwung vun der SOHO-Missioun
- Artikel iwwer mat SOHO entdeckte Koméiten
Referenzen
[Quelltext änneren]- ↑ Pressemitteilung der NASA
- ↑ Pressemitteilung der NASA
- ↑ Pressemitteilung der NASA
- ↑ Pressemitteilung der NASA
- ↑ Pressemitteilung der NASA
- ↑ ESA Archivéiert de(n) 01.10.2007. Gekuckt de(n) 08.11.2011.
- ↑ ESA Archivéiert de(n) 01.10.2007. Gekuckt de(n) 08.11.2011.