Avenue Pasteur

Avenue Pasteur
Numm	lb: Traufelsbierg (nërdlechen Deel); fr: Avenue Pasteur
Fréieren Numm	fr: Avenue de Muhlenbach(bis 1925); de: Traufelsberg(bis 1925)
Längt	ca. 2.000 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Lampertsbierg,; Millebaach,; Rollengergronn,; Uewerstad
Postcode	2310,; 2311
Koordinaten	49° 37’ 17.8’’ N; 06° 07’ 03.6’’ O
Genannt no	Louis Pasteur

D'Avenue Pasteur an der Stad Lëtzebuerg verbënnt de Rond-Point Robert-Schuman um Lampertsbierg mat der Rue de Rollingergrund hannert de fréiere Produktiounsateliere vu Villeroy & Boch am Rollengergronn. De gréissten Deel läit am Quartier Lampertsbierg, den nërdlechen Deel (deen Traulesbierg genannt gëtt) gehéiert zum Rollengergronn. D'Strooss mécht awer och deelweis d'Grenz mat den Nopeschquartieren Uewerstad (laanscht de Glacis) a Millebaach.

Ënner der däitscher Besatzung (1940 - 1944) huet d'Strooss „Pasteurstraße” an am nërdlechen Deel „Traufelsberg” geheescht^[2].

An der Avenue Pasteur leien eng Rei Schoulen: de Lycée de garçons (hënnescht Säit), de Lycée technique du Centre an de Lycée technique Michel-Lucius.

D'Strooss krut hiren Numm als Erënnerung un de franséische Wëssenschaftler Louis Pasteur.

Eng Rëtsch Haiser an der Avenue Pasteru goufe vun 2010 un op den Zousazinventaire vun de klasséierte Monumenter agadroen: d'Nr.23 (14.9.2012), d'Nr.26 (13.4.2012), d'Nr.28-32 (28.2.2011), d'Nr. 34 (18.6.2010), d'Nr.42-44 (30.4.2012), d'Nr.74 (26.2.2018), d'Nr.94 (Villa Kutter; 2018) an d'Nr. 103 (6.9.2018).