Lampertsbierg

Vu Wikipedia
Wiesselen op: Navigatioun, sichen
De Lampertsbierg an der Gemeng Lëtzebuerg

De Lampertsbierg ass e Quartier vun der Stad Lëtzebuerg.

Geschicht[änneren | Quelltext änneren]

De Waassertuerm um Lampertsbierg vum Architekt Antoine Luja.

Zur Zäit vun der Festung Lëtzebuerg louch de Lampertsbierg extra muros, just hanner dem Glacis (den haitege Parking huet säin Numm vun deem festungstechneschen Terme). Et war en Hiwwel mat engem Bësch. 1755 ass de Kierfecht Notre-Dame, den Nikloskierfecht do op engem klengen Areal amenagéiert ginn.

De Lampertsbierg, deen do virdrun zu der Gemeng Eech gehéiert huet, ass 1849 zesumme mam Roudebierg an déi nei geschafe Gemeng Rollengergronn[1] integréiert, ginn, déi bis 1920, wou si un d'Stad Lëtzebuerg ugegliddert ginn ass,[2] existéiert huet.

1855 hunn d'Rousenziichter Jean Soupert a Pierre Notting um Lampertbierg d'Rousenziichterei Soupert & Notting gegrënnt, déi an all Häre Länner Lëtzebuerger Rousen exportéiert huet.

Wéi den Traité vu London 1867 d'Groussherzogtum op éiweg neutral erkläert huet, huet missen d'Festung ofgerappt ginn. Doduerch konnt sech de Perimeter vun der Stad entwéckelen.

Hautdesdaags ass de Lampertsbierg eng gemëschten Zone, also souwuel e Geschäfts- wéi och Wunnquartier. Et fënnt een do nieft ville Privatwunnengen eng Rei Banken, en etlech Educatiounsariichtungen (en Deel vun der Université du Luxembourg, de Lycée de garçons de Luxembourg, de Lycée Robert-Schuman, de Lycée technique des arts et métiers, de Lycée technique du Centre, de Lycée technique Michel-Lucius an de Lycée Vauban (Lycée français du Luxembourg), d'Victor Hugo-Hal (e Kulturzentrum) an de groussen Theater vun der Stad Lëtzebuerg.

All Joer ass Enn August bis Ugaangs September um Glacis um Lampertsbierg d'Stater Kiermes, d'Schueberfouer.

Awunner[änneren | Quelltext änneren]

Géint Enn 2011 hunn um Lampertsbierg ronn 9.040 Leit gewunnt, dovu waren 29,20% Lëtzebuerger an 70,80% Auslänner.[3]

Awunner no Nationalitéit
Rang Nationalitéit
Awunner
1 LuxembourgLuxembourg Lëtzebuergesch 2 640
2 FranceFrance Franséisch 1 810
3 ItalyItaly Italienesch 603
4 PortugalPortugal Portugisesch 489
5 GermanyGermany Däitsch 488
6 BelgiumBelgium Belsch 420
8 United KingdomUnited Kingdom Britesch 274
7 SpainSpain Spuenesch 272
9 SwedenSweden Schwedesch 173
10 PolandPoland Polnesch 125
11 United StatesUnited States Amerikanesch 112
12 GreeceGreece Griichesch 111
13 NetherlandsNetherlands Hollänesch 99
14 DenmarkDenmark Dänesch 91
15 FinlandFinland Finnesch 83
Aner Nationalitéiten 1252
Total 9 042

Kuckt och[änneren | Quelltext änneren]

Um Spaweck[änneren | Quelltext änneren]

Commons: Lampertsbierg – Biller, Videoen oder Audiodateien

Referenzen[änneren | Quelltext änneren]

  1. Loi du 8 mai 1849, qui érige une nouvelle commune sous le nom de Rollingergrund. Mémorial législatif et administratif du Grand-Duché de Luxembourg 1849, S. 541s. [1]
  2. Loi du 26 mars 1920 concernant la fusion des communes de Hollerich, Rollingergrund et Hamm avec la ville de Luxembourg. Mémorial du Grand-Duché de Luxembourg 1920, S. 355ss. [2]
  3. Etat de la population 2011 - Statistiques sur la population de la Ville de Luxembourg (gekuckt den 29. Juni 2012)