Lampertsbierg
De Lampertsbierg ass e Quartier vun der Stad Lëtzebuerg.
Inhaltsverzeechnes |
[änneren] Geschicht
Zur Zäit vun der Festung Lëtzebuerg louch de Lampertsbierg extra muros, just hannert dem Glacis (den haitege Parking huet säin Numm vun deem festungstechneschen Terme). Et war en Hiwwel mat engem Bësch. 1755 ass de Kierfecht Notre-Dame, den Nikloskierfecht do op engem klengen Areal amenagéiert ginn.
1855 hunn d'Rousenziichter Jean Soupert a Pierre Notting um Lampertbierg d'Rousenziichterei Soupert & Notting gegrënnt, déi an all Häre Länner Lëtzebuerger Rousen exportéiert huet.
Wéi den Traité vu London 1867 d'Groussherzogtum op éiweg neutral erkläert huet, huet missen d'Festung ofgerappt ginn. Doduerch konnt sech de Perimeter vun der Stad entwéckelen.
Hautdesdaags ass de Lampertsbierg eng gemëschten Zone, also souwuel e Geschäfts- wéi och Wunnquartier. Et fënnt een do nieft ville Privatwunnengen eng Rei Banken, en etlech Educatiounsariichtungen (en Deel vun der Université du Luxembourg, de Lycée de garçons de Luxembourg, de Lycée Robert-Schuman, de Lycée technique des arts et métiers, de Lycée technique du Centre, de Lycée technique Michel-Lucius an de Lycée Vauban (Lycée français du Luxembourg), d'Victor Hugo-Hal (e Kulturzentrum) an de groussen Theater vun der Stad Lëtzebuerg.
All Joer ass Enn August bis Ugaangs September um Glacis um Lampertsbierg d'Stater Kiermes, d'Schueberfouer.
[änneren] Linken
[änneren] Kuckt och
[änneren] Um Spaweck
| Commons: Lampertsbierg – Biller, Videoen oder Audiodateien |
Beggen | Belair | Bouneweg-Nord/Verluerekascht | Bouneweg-Süd | Clausen | Dummeldeng | Eech | Gare | Gaasperech | Gronn | Hamm | Hollerech | Kierchbierg | Lampertsbierg | Märel | Millebaach | Neiduerf/Weimeschhaff | Pafendall | Polvermillen | Rollengergronn/Belair-Nord | Uewerstad | Weimeschkierch | Zéisseng | Zens
