Eurovision Song Contest 1991

Vu Wikipedia
Wiesselen op: Navigatioun, sichen
36. Eurovision Song Contest
Datum 4. Mee 1991
Stad Roum (Italien)
Gebai Studio 15 de Cinecittà
Gewënner Carola (Schweden)
Zuel vu Länner 22
Nei Participatiounen Keng
Moderatioun Gigliola Cinquetti an Toto Cutugno
Interval Act Arturo Brachetti
Ofstëmmungsregelung An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
Agank vun de Cinecittà-Studios zu Roum, 2011
D'Gewënnerin Carola Häggkvist, 2005

De 36. Eurovision Song Contest war de 4. Mee 1991 an Italien. Organiséiert gouf d'Eurovisioun dat Joer am Studio 15 de Cinecittà zu Roum. Presentateure waren d'Gigliola Cinquetti, d'Gewënnerin vum Grand Prix vun 1964 an den Toto Cutugno, Gewënner vum Grand Prix vun 1990.

Am Ganzen hunn 22 Länner matgemaach. Holland a Monaco waren net dobäi. Duerch d'Abstinenz vun Holland hat Malta endlech d'Geleeënheet zanter 1975 fir d'éischt nees matzemaachen.

Verschidde Sänger ware scho virdru mol eng Kéier dobäi, den Thomas Forstner fir Éisträich 1989, de Stefán Hilmarsson (Deel vu Stefán & Eyfi) fir Island 1988 (Deel vum Grupp Beathoven), den Eiríkur Hauksson (Deel vu Just 4 Fun) fir Norwegen 1986 (Deel vum Grupp ICY, Island), d'Hanne Krogh (Deel vu Just 4 Fun) fir Norwegen 1971 a 1985 (Deel vum Grupp Bobbysocks) an d'Carola fir Schweden 1983.

D'Regel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Roum matgedeelt ginn.

Déi éischt Plaz krut d'Vertriederin vu Schweden, d'Carola Häggkvist mat deselwechte Punkte wéi den Zweeten, d'Amina Annabi (Frankräich). Déi drëtt Plaz krut den Duo Datz, dee fir Israel ugetruede war.

Well Schweden a Frankräich allen zwee 146 Punkte kruten, ass d'Regel ugewandt ginn, déi 1989 agefouert gi war, dat bei Gläichstand d'Zuel vun den 12-Punkte-Wertungen an duerno d'Zuel vun den 10-Punkte-Wertungen de Gewënner bestëmme sollten. Béid Länner hate véiermol 12 Punkte kritt, awer Schweden hat fënnefmol 10 Punkte kritt a Frankräich nëmmen zweemol. Domat war Schweden de Gewënner. Dës Gläichstands-Regel ass 2004 geännert ginn, no där den Total vun de Wäertungen egal wéi héich se war, de Gewënner bestëmmt. Domat hätt da Frankräich gewonnen, well et vun 18 Länner Punkte kritt hat a Schweden nëmme vu 17 Länner.

Fir Schweden war et déi drëtt Kéier datt et de Grand Prix gewonnen hat.

Klassement[änneren | Quelltext änneren]

Plaz Land Interpret Titel Punkten
1. Schweden Carola Fångad av en stormvind 146
2. Frankräich Amina C’est le dernier qui a parlé qui a raison 146
3. Israel Duo Datz Kan 139
4. Spuenien Sergio Dalma Bailar pegados 119
5. Schwäiz Sandra Simó Canzone per te 118
6. Malta Paul Giordimaina a Georgina Could It Be 106
7. Italien Peppino déi Capri Comme è ddoce ’o mare 89
8. Portugal Dulce Lusitana paixão 62
9. Zypern Elena Patroklou S.O.S. 60
10. Irland Kim Jackson Could It Be that I’m in Love? 47
10. Groussbritannien Samantha Janus A Message to Your Heart 47
12. Tierkei Izel Çeliköz, Reyhan Karaca a Can Uğurluer İki dakika 44
13. Griicheland Sophia Vossou I Anixi 36
14. Lëtzebuerg Sarah Bray Un baiser volé 29
15. Island Stefan an Eyfi Nína 26
16. Belsch Clouseau Geef het op 23
17. Norwegen Just 4 Fun Mrs. Thompson 14
18. Däitschland Atlantis 2000 Dieser Traum darf niemals sterben 10
19. Dänemark Anders Frandsen Lige der hvor hjertet slår 8
20. Finnland Kaija Hullu yö 6
21. Jugoslawien Bebi Dol Brazil 1
22. Éisträich Thomas Forstner Venedig im Regen 0

Um Spaweck[änneren | Quelltext änneren]

Commons: Eurovision Song Contest 1991 – Biller, Videoen oder Audiodateien
Zagreb (Jugoslawien) Esc-wäiss1.png Malmö (Schweden)
ESC 1990 Eurovision Song Contest ESC 1992