Eurovision Song Contest 2001

Vu Wikipedia
Wiesselen op: Navigatioun, sichen
46. Eurovision Song Contest
Datum 12. Mee 2001
Stad Kopenhagen (Dänemark)
Gebai Parken Stadion
Gewënner Tanel Padar, Dave Benton an 2XL (Estland)
Zuel vu Länner 23
Nei Participatiounen Keng
Moderatioun Natasja Crone a Søren Pilmark
Interval Act Aqua
Ofstëmmungsregelung All Land huet 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.
Ee vun de Gewënner, den Tanel Padar, 2006
Ee vun de Gewënner, den Dave Benton, 2009
Parken Stadion zu Kopenhagen, 2005

De 46. Eurovision Song Contest war den 12. Mee 2001 an Dänemark. Dat Joert gouf d'Eurovisioun am Parken-Stadion zu Kopenhagen organiséiert. Presentateure waren d'Natasja Crone an de Søren Pilmark.

Fir d'Zuel vun de Länner ze reduzéiere sinn d'Plaze vun de leschte 5 Joer gekuckt ginn an déi mat de mannste Punkte hu missen e Joer Paus maachen. Betraff vun där Regel ware Mazedonien, Zypern, d'Schwäiz, Éisträich, Rumänien, d'Belsch a Finnland. Lëtzebuerg huet scho wéi déi 7 Joer virdru fräiwëlleg drop verzicht fir matzemaachen. Och Italien, Ungarn an d'Slowakei hu fräiwëlleg net matgemaach. Am Ganze waren 23 Länner dobäi.

D'Regel fir d'Ofstëmmung ass d'selwecht bliwwe wéi déi Jore virdrun, allerdengs ass an de meeschte Länner den Televoting duerch d'Spectateure benotzt gi fir ofzestëmmen, mat Ausnam vu Bosnien-Herzegowina, Tierkei a Russland, wou nach eng Jury d'Ofstëmmung gemaach huet. Et ass nach eng fakultativ nei Méiglechkeet agefouert ginn fir ofzestëmmen, nämlech 50 % duerch Televoting a 50 % duerch eng Jury. Allerdengs hunn nëmme Kroatien, Griicheland a Malta déi nei Méiglechkeet benotzt. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Kopenhagen matgedeelt ginn.

Déi éischt Plaz kruten d'Vertrieder vun Estland, den Tanel Padar, Dave Benton an 2XL mat 21 Punkte Virsprong virum Grupp Rollo & King (Dänemark). Déi drëtt Plaz krut d'Grupp Antique, déi fir Griicheland ugetruede war.

Fir Estland war et déi éischt Kéier datt et de Grand Prix gewonnen hat.

Klassement[änneren | Quelltext änneren]

Plaz Startnr. Land Interpret Titel Punkten
01. 20 Estland Tanel Padar, Dave Benton an 2XL Everybody 198
02. 23 Dänemark Rollo & King Never Ever Let You Go 177
03. 22 Griicheland Antique I Would Die for You 147
04. 14 Frankräich Natasha Saint-Pier Je n’ai que mon âme 142
05. 07 Schweden Friends Listen to Your Heartbeat 100
06. 13 Spuenien David Civera Dile que la quiero 076
07. 17 Slowenien Nuša Derenda Energy 070
08. 19 Däitschland Michelle Wer Liebe lebt 066
09. 21 Malta Fabrizio Faniello Another Summer Night 048
10. 10 Kroatien Vanna Strings of My Heart 042
11. 15 Tierkei Sedat Yüce Sevgiliye son 041
12. 06 Russland Mumiy Troll Lady Alpine Blue 037
13. 08 Litauen Skamp You Got Style 035
14. 03 Bosnien-Herzegowina Nino Hano 029
15. 16 Groussbritannien Lindsay D. No Dream Impossible 028
16. 05 Israel Tal Sondak Ein davar 025
17. 11 Portugal MTM Eu só sei ser feliz assim 018
18. 09 Lettland Arnis Mednis Too Much 016
18. 01 Holland Michelle Out on My Own 016
20. 18 Polen Piasek 2 Long 011
21. 12 Irland Gary O’Shaughnessy Without Your Love 06
22. 02 Island Two Tricky Angel 03
22. 04 Norwegen Haldor Lægreid On My Own 03

Déi rout markéiert Länner hunn am Joer drop (2002) wéinst hirem schlechte 5-Jores-Duerchschnëtt missen aussetzen. Lettland huet 2002 nëmmen däerfe matmaachen, well Portugal net matgemaach huet.

Um Spaweck[änneren | Quelltext änneren]

Commons: Eurovision Song Contest 2001 – Biller, Videoen oder Audiodateien
Stockholm (Schweden) Esc-wäiss1.png Tallinn (Estland)
ESC 2000 Eurovision Song Contest ESC 2002