Franz Fayot

Vu Wikipedia
Op d'Navigatioun wiesselen Op d'Siche wiesselen
Franz Fayot
Franz Fayot, Inauguration plaque commémorative, «Villa Pauly»-101.jpg
Gebuer 28. Februar 1972
Lëtzebuerg
Nationalitéit Lëtzebuerg
Aktivitéit Politiker, Affekot
Partei LSAP
Famill
Papp Ben Fayot
Wikidata-logo-without-paddings.svg

De Franz Fayot, gebuer den 28. Februar 1972[1], ass e lëtzebuergeschen Affekot a Politiker (LSAP).

Nom Lycée huet hie vun 1992 bis 1996 zu Paräis op der Sorbonne Droit studéiert an ass zanter 1997 Affekot um Barreau zu Lëtzebuerg. Hien ass Associé am Affekotebüro Elvinger, Hoss & Prussen a gëtt zanter 2000 Coursen op der Uni Lëtzebuerg.[2]

Hien ass zanter 1994 Member vun der LSAP a Member vum Stater Gemengerot. Bei de Chamberwale vum 20. Oktober 2013 gouf hie fir d'éischt an d'Chamber gewielt.

De Franz Fayot ass zanter 2001 Member vum Direktiounscomité vun den “Annales du droit luxembourgeois”, zanter 2007 Member vum Conseil d'administration vun der Fondation Robert Krieps an zanter 2011 vun deem vum Kasemattentheater.[2]

Hien huet zesumme mam Marc Limpach 2010 e Buch iwwer de Robert Krieps erausginn.

De Franz Fayot ass Papp vun dräi Kanner.[2] Hien ass de Jong vum Ben Fayot.

Referenzen[Quelltext änneren]

  1. Fiche "Franz Fayot" op der Websäit vun der Chamber, chd.lu (gekuckt 2013-11-18).
  2. 2,0 2,1 2,2 "Iwwert mech" op franzfayot.lu.