Gare Attem
 | |
| ass eng | Gare |
|---|---|
| Status | am Gebrauch |
| opgaang | 1. Abrëll 1862 |
| Lag vun der Statioun | |
| Land | Belsch |
| Gemeng | Éibeng |
| Uertschaft | Attem |
| Koordinaten | 49°33'47,9"N, 5°49'43,0"O |
| Héicht i. M. | 270 m |
| Reseau | |
| Statiounscode | MH, A |
| Bedreiwer | SNCB, CFL |
| Reseau | Infrabel, CFL-Zuchreseau |
| Gleiser mat Quai | 2 |
| Passagéier/Joer | 449.219 |
| (2022) | |
| Nopeschstatioun(en) |
Gare Rodange, Gare Éibeng, Gare Miezeg, Gare Mont-Saint-Martin, Gare Lonkech |
 | |
D'Gare Attem ass eng Gare um Terrain vun der belscher Gemeng Éibeng, déi den 1. Dezember 1874 op der Streck Attem-Péiteng, déi vum Prënz gebaut gouf, opgaangen ass. Tëscht dem 1. Juni 1988 an dem 10. Dezember 2006 huet d'SNCB net an der Gare gehalen, just d'CFL ass d'Gare nach ugefuer.
An der Gare vun Attem halen d'Infrabel-Linn 165 (Libramont - Bertrix - Attem / Rodange - Arel) an d'CFL-Linn vun Attem iwwer Rodange - Nidderkäerjeng-Suessem op Lëtzebuerg.
D'Gare huet 3 Quaien déi fir de Passagéiertrafick accessibel sinn. Wéi op de meeschten eelere belsche Garë gëtt et kee Souterrain an et muss een iwwer ee Passage goen deen am Gleis läit, fir op d'Quaien 2 an 3 ze kommen.
Nieft dem Passagéiertrafick fuere vill Gidderzich duerch d'Gare, déi entweeder aus dem Beetebuerger Triage kommen, oder vun der Libramonter Streck aus dohin ënnerwee sinn.
Kuerz hanner der Sortie vun der Gare ass de Systemwiessel tëscht dem lëtzebuergesche Wiesselstroum vu 25kV 50 Hz an dem belsche Gläichstroum mat 3kV.
Tarifikatioun
[änneren | Quelltext änneren]D'Gare vun Attem ass déi eenzeg Gare vum Infrabelreseau an där et zwéin Tarifikatiounssystemer gëtt. Well d'CFL de Gros vun den Zich op där Gare stellt, ass Attem als "Gare assimilée" en Deel vum CFL-Reseau an d'Gratuitéit zielt deemno och zu Attem, wann et Richtung Rodange geet.
D'Zich an Direktioun Arel ginn dogéint no belschem System tariféiert.
Zich déi an der Gare halen(Stand: Februar 2025)
[änneren | Quelltext änneren]Aller
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
Libramont ↔ Bertrix ↔ Attem / Rodange ↔ Arel[änneren | Quelltext änneren] | ||||||
| Libramont | Miezeg | L P | Arel | Arel | ||
Attem ↔ Rodange ↔ Lëtzebuerg[änneren | Quelltext änneren] | ||||||
| Attem | Terminus | RB | Rodange | Lëtzebuerg | ||
Retour
[änneren | Quelltext änneren]Jeeweils an der entgéintgesater Richtung wéi an der Tabell uewendriwwer.
Kuckeswäertes
[änneren | Quelltext änneren]Op der Plaz virun der Gare steet en 105 mm Mortier deen d'20. Artilleriesregiment der Stad Attem 1993 bei der Opléisung vum Regiment geschenkt huet.
Um Spaweck
[änneren | Quelltext änneren]| Commons: Gare Attem – Biller, Videoen oder Audiodateien |
- Tableau mat den Departen vun Attem op irail.be