Gast Rollinger
| Gast Rollinger | |
|---|---|
| Gebuer |
26. Juni 1946 Esch-Uelzecht |
| Gestuerwen | 25. Oktober 2024 |
| Nationalitéit | Lëtzebuerg |
| Aktivitéit | Filmregisseur, Lycéesprofesser, Schrëftsteller |
 | |
De Gaston ("Gast") Rollinger, gebuer de 26. Juni 1946 zu Esch-Uelzecht, a gestuerwen de 25. Oktober 2024[1][2], war e lëtzebuergesche Lycéesprofesser, Filmregisseur a Schrëftsteller.
Liewen a Karriär
[änneren | Quelltext änneren]De Gast Rollinger war Professer fir Englesch an Däitsch am Escher Jongelycée.
Vun 1982 bis 1994 war hie Kameramann a Regisseur bei RTL.
Hien huet säi Liewe laang an der Hiel (Quartier Grenz) zu Esch gewunnt. Seng Gedichter a Kuerzfilmer hunn dann och dacks dëse Mikrokosmos, tëscht de Minettsgrouwen, dem Ellergronn an der fréierer Brasseurs-/Terre-Rouge-Schmelz, seng Natur a seng Mënschen, als Sujet.[3]
Säi Liewensmotto war en Zweezeiler aus dem Gedicht Melancholie vum Gottfried Benn: "Du musst alles aus deiner Gegend mitnehmen, denn auch von Reisen kommst du leer zurück".[4]
Seng Filmer
[änneren | Quelltext änneren]Tëlee-Filmer
[änneren | Quelltext änneren]- E Fall fir sech (1984), Kamera mam Menn Bodson
- Déi zwéi vum Bierg (1985), Regie mam Menn Bodson a Marc Olinger
- Vu Fräschen a Mouken (1986), Regie mam Menn Bodson
- De falschen Hond (1989), Regie mam Menn Bodson a Marc Olinger, no dem Nicolas Hein senger Novell Der Verräter
Kuerzfilmer (Auswiel)
[änneren | Quelltext änneren]- D'Meedche vu Garnech: De Gast Rollinger erzielt vu sengem Besuch beim Arno Schmidt zu Bergfeld.
- De ganzen Dag am Park. Aus dem Liewen vun engem Bannhidder. Iwwer de Marcel Kieffer, Parkwiechter um Escher Gaalgebierg
- D'Boufferdanger Mouer. Iwwer d'Naturschutzgebitt Boufferdanger Muer
- Ellergronn (1989). Iwwer d'Naturschutzgebitt Ellergronn
- Déi lescht Schicht
- Rote Erde, tote Erde
- Um Widdebierg
- De Napoléonsgaart
Seng bis ewell net-publizéiert Filmer - iwwer dausend Filmspullen a Kassetten - huet hien dem CNA iwwerdroen.[4]
Gedichter
[änneren | Quelltext änneren]De Gast Rollinger huet och Gedichter geschriwwen. 23 dovu goufe vum Fränz Hausemer vertount an 2024 um Album Däischter Deeg publizéiert.[3]
Gielercher
[änneren | Quelltext änneren]
Grand officier vum Ordre de Mérite du Grand-Duché de Luxembourg (2000)
Literatur
[änneren | Quelltext änneren]- Jérôme Netgen: "'Quoth the Raven: Nevermore': Zum Tode von Gast Rollinger (1946-2024)." Tageblatt, 29.10.2024 (och online [€]) - Perséinlechen Noruff.
- Marc Thill: Gast Rollinger ließ in seiner Dichtung vor alle die Dunkelheit sprechen, Luxemburger Wort, 2. 12. 2024, S. 41; Poesie der Dunkelheit, Der einfühlsame Filmdreher Gast Rollinger ließ in seiner Dichtung vor allem die Dunkelheit sprechen, wort.lu [€], 2.12.2024, gekuckt den 2.12.2024.
- Tim Reuter, "Die Welt derart nah vor Augen und ihr dennoch völlig entrückt" CNL - Zoom op d'Literaturarchiv (120): Erste Überlegungen zum Stellenwert des Lyrikers Gast Rollinger, Die Warte, 30|2843, S. 2-3, Luxemburger Wort, 13.11.2025
Kuckt och
[änneren | Quelltext änneren]- Terre Rouge - Topographie du poète, en Documentaire vum Fränz Hausemer iwwer de Gast Rollinger
Referenzen an Notten
[Quelltext änneren]- ↑ Doudesannonce am Luxemburger Wort vum 29. Oktober 2024, S. 29
- ↑ RIP, Gast Rollinger ass am Alter vun 78 Joer gestuerwen. rtl.lu (27.10.2024). Gekuckt de 27.10.24.
- 1 2 Däitschter Deeg op literaturarchiv.lu.
- 1 2 Marc Thill (2024) an der Literatur.