Kapell Giischterklaus

Vu Wikipedia
(Virugeleet vu(n) Giischterklaus (Kapell))
Wiesselen op: Navigatioun, sichen
Kapell Giischterklaus
D'Kapell Giischterklaus (2005)
D'Kapell Giischterklaus (2005)
Uertschaft Giischterklaus
Par Rouspert
Dekanat Iechternach
Numm / Patréiner Mariä Himmelfaart
Koordinaten 49° 47’ 3.2’’ N
     06° 29’ 53.6’’ O
Vue op den Haaptaltor
Vue op den Haaptaltor
Kierchen - Kapellen

D'Kapell op der Giischterklaus ass eng kathoulesch Kapell déi zur Par Rouspert, zum Parverband Ënnersauer, zu der Pastoralregioun Osten, zum Dekanat Iechternach an zu der Gemeng Rouspert gehéiert. Et ass eng Wallfaartskapell zu der Muttergottes vun der Hieselterheck. Responsabel ass de Paschtouer Luc Schreiner vu Rouspert.

D'Kapell ass der Mariä Himmelfaart geweit. D'Fest gëtt de 15. August gefeiert.

Se steet ganz am Weste vun där klenger Uertschaft. Ronderëm ass deen ale Kierfecht ugeluecht.

Zur Par Rouspert gehéieren ausser der Kapell op der Giischterklaus och nach d'Parkierch vu Rouspert an d'Filialkierch zu Dickweiler.

D'Legend vun der Kapell[änneren | Quelltext änneren]

Am Joer 1270 ass de Ritter Elbert vu Klierf mat an de Kräizzuch gezunn. Wéi hien aus dem Kräizzuch zréckkoum, ass säi Schëff an e Stuerm geroden. Op der Afrikanescher Küst gelant, ass e gefaange geholl an als Sklav verkaaft ginn. Zum Krëppel geschloen huet en zur Muttergottes gebiet a versprach, wann hien erëm gesond heem kéim, géif hien hir op sengem Land zu Giischt eng Kapell opriichten. Den anere Mueren, wéi hien erwächt ass, louch hie bei engem Hieselter, an deem eng Muttergottesstatu stoung, zu Giischt op senge Lännereien. Op dëser Plaz huet hien dunn eng Kapell fir d'Muttergottesstatu opriichte gelooss.

Geschicht[änneren | Quelltext änneren]

De Ritter Elbert vu Klierf ass net an de Bicher ze fannen. Och haten d'Ritter vu Klierf keng Lännereien zu Rouspert. Den Tuerm vun der Kapell ass dem Baustil no wahrscheinlech zu der Zäit vun de Kräizritter gebaut ginn. Schrëftlech gëtt d'Kapell fir d'éischt de 27. Februar 1329 am Testament vum Iechternacher Geeschtlechen Heinrich Prichel ernimmt.

D'Kapell steet zanter dem 20. Januar 1939 als Nationaalt Monument op der Lëscht vun de klasséierte Monumenter.

An der Kapell[änneren | Quelltext änneren]

Lénkse Säitenaltor
Molereien um Plafong
Rietse Säitenaltor

Literatur[änneren | Quelltext änneren]

  • Schmitt, Michel, 2007. Das Marienheiligtum der Girsterklaus bei Rosport. Schnell & Steiner Verlag, Regensburg, 1. Oplo 2007, Kleine Kunstführer Nummer 2657. 20 S. mat 14 Fotoen.
  • Steinmetz, Aloyse (ouni Publikatiounsdatum). Die Girsterklaus, alter luxemburgischer Marienwallfahrtsort an der Untersauer. Pillgerbüchlein zur "Muttergottes vun der Hieselterheck". Erausgi vum Syndicat d'initiative et de tourisme Rosport. 67 S. Imprimerie Saint-Paul, Lëtzebuerg. (Well d'Broschür dem Michel Schmitt seng Broschür zitéiert, muss een unhuelen, datt se no 2007 erauskomm ass).
  • Evy Friedrich 1949 Eine legendäre Pilgerstätte die Girsterklaus. Revue 30. Abrëll 1949 Nr18 Säite 352-353 mat 5 Fotoen

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kapell Giischterklaus – Biller, Videoen oder Audiodateien


Kathoulesch Muttergottes-Pilgerplazen an Europa
Lëtzebuerg: Lëtzebuerg - Stadgronn - Wolz - Léiffrächen - Giischterklaus - Veianer Bildchen- Heeschbrecher Bildchen
Belsch : Banneux - Beauraing - Werpin
Frankräich : Lourdes - Avioth - Bonne-Fontaine - Monléon-Magnoac
International : Fátima - Einsiedeln - Montserrat - Altötting - Kevelaer - Loreto - Mariazell - Tschenstochau
Pilgerplaze fir Sportler : Notre-Dame des Cyclistes (F) - Notre-Dame de la Course Landaise (F) - Notre-Dame-du-Rugby (F) - Chèvremont (B) - Nuestra Señora de Dorleta (Es) - Madonna del Ghisallo (It)