Jan Hendrik Oort
De Jan Hendrik Oort, gebuer den 28. Abrëll 1900 zu Franeker a gestuerwen de 5. November 1992 zu Leiden war en hollänneschen Astronom.
Liewen[änneren | Quelltext änneren]
Den Oort hat op der Universitéit Groningen studéiert. Do war hie Student vum Jacobus Kapteyn. Vun 1924 un huet hien dunn am Observatoire zu Leiden geschafft. Vun 1945 bis 1970 war hie Professer op der Universitéit Leiden. Zur gläicher Zäit war hien och Direkter vum Observatoire Leiden.
1927 hunn den Oort a seng Kolleege mat de Rotatiounsformelen d'Hypothes vum Bertil Lindblad iwwer d'Rotatioun der Mëllechstrooss konfirméiert, déi fir d'éischt de Kant am Joer 1755 virgeschloen hat. Den Oort hat de Mëllechstroossenzentrum 30.000 Liichtjoer vun der Äerd ewech am Stärebild Sagittarius lokaliséiert. Hien hat bewisen, datt d'Mëllechstrooss eng Mass vun 100 Milliarde Sonnemassen huet.
An den 1950er-Joren hat den Oort d'Oort-Wollek am Beräich vum Rand vum Sonnesystem virausgesot, aus där d'Koméite stamen. Seng Theorien dozou sinn ni geséchert ginn, ginn awer allgemeng unerkannt.
Den Oort hat och Polariséierung vun der Stralung vum Krabbniwwel nogewisen an hat si als Synchrotronstralung erkannt.
Vun 1958 bis 1961 war den Oort President vun der I.A.U..
Éierungen[änneren | Quelltext änneren]
- 1942 Bruce Medal
- 1946 Goldmedail vun der Royal Astronomical Society
- 1947 Jules-Janssen-Präis
- 1951 Henry Norris Russell Lectureship
- 1972 Karl-Schwarzschild-Medail vun der Astronomescher Gesellschaft
- 1984 Balzan-Präis fir Astrophysik
- 1987 Kyoto-Präis
- Nom Oort ass den Asteroid (1691) Oort genannt.