Kierch Lëtzebuerg-Gare

Garer Kierch

D'Kierch Sacré-Coeur (2007)

Uertschaft / Plaz

Garer Quartier

Par

Lëtzebuerg
Notre-Dame

Dekanat

Lëtzebuerg

Konsekratioun

30.4.1936

Architekt(en)

Nicolas Petit

Koordinaten

49° 36’ 16’’ N
06° 07’ 52.9’’ O

Kierchen - Kapellen

D'Kierch vu Lëtzebuerg-Gare ass eng kathoulesch Kierch, déi zur Par Lëtzebuerg Notre-Dame, zum Dekanat Lëtzebuerg an zu der Gemeng Lëtzebuerg gehéiert.

D'Kierch ass dem Häerz Jesu (Sacré Coeur) geweit.

D'Kierch steet an der Stad Lëtzebuerg um Plateau Bourbon op der Kräizung vun der rue Dicks an der rue du Fort Elisabeth mat dem boulevard de la Pétrusse, der N2. Et ass d'Parkierch vum Garer Quartier.

Geschicht

D'Kierch gouf no de Pläng vum Nicolas Petit, Architekt vun der Stad Lëtzebuerg, gebaut. De Léon Lommel, spéidere Bëschof vu Lëtzebuerg, war maassgebend un hirer Konzeptioun bedeelegt. De Grondstee gouf de 6. Juni 1930 vum Bëschof Pierre Nommesch geluecht. D'Bannenariichtung ass haaptsächlech d'Wierk vum däitsche Professer Otto Linnemann. Den 30. Abrëll 1936 gouf se vum Bëschof Joseph Laurent Philippe feierlech ageweit, mä de Mathias Erasmy, Deche vu Lëtzebuerg-Stad, hat se schonn de 24. Dezember 1932 ageseeent. Spéider ass den Dechen Erasmy an der Garer Kierch agezunn. Dofir war d'Kierch bis 1992 gläichzäiteg Dekanatskierch vu Lëtzebuerg Stad.

"Series pastorum" vun der Par

Mgr Mathias Erasmy	Paschtouer an Dechen	31.06.1934 bis 15. 02. 1961
Mgr Marcel Ripp	Paschtouer an Dechen	16. 04. 1961 bis 1961
Mgr Jean Heinisch	Paschtouer an Dechen	1961 bis 7. 7. 1992
Pierre Hencks	beigeuerdn. Paschtouer	1980 bis 7. 7. 1992
??	??	zanter 8. 7. 1992

Fresken

D'Freske si vum däitsche Kënschtler Otto Linnemann. Vun Abrëll 2008 bis 2010 goufe se vum Lëtzebuerger Joseph Heisbourg restauréiert.

D'monumental Fresk vum Haaptchouer weist Jesus Christus als Kinnek (um Troun) an Erléiser (rout Häerz als Zeeche vu senger Léift).

Am lénkse Säiteschëff, op der selwechter Säit wéi de Muttergottesaltor, gesäit een d'Kréinung vu Maria, der Muttergottes.

Am rietse Säiteschëff ass de Stammbam vum Jesus, sou wéi am Matthäusevangelium beschriwwen, mat Biller duergestallt.

Duerch d'ganz Kierch verschéinere Medaillonen d'Wänn. Si stellen d'Torturinstrumenter duer, duerch déi d'Apostelen ëm d'Liewe koumen. Ënner de Medaillonen ass de Credo op laténgesch a Kapitale geschriwwen.

Uergel

D'Uergel gouf vun der lëtzebuergescher Firma Haupt vu Lëntgen gebaut. Déi sinfonesch Uergel ass eng vun deenen am bescht erhalenen Uergele vum Uergelbauer Haupt aus där Zäit. Si gouf 1998 vum Uergelbauer Romanus Seifert vu Kevelaer revidéiert.

Dispositioun

I Haaptwierk C-g′′′
Principal	16′
Bordun	16′
Principal	8′
Flaut Major	8′
Fugara	8′
Gedackt	8′
Dulciana	8′
Prestant	4′
Rohrflöte	4′
Gemshornquinte	2⅔′
Bachflöte	2′
Mixtur	4-5fach
Cornettino	2-3fach
Bombarde	16′
Trompete	8′
Clarine	4′
II Positiv (Schwellwierk)
Quintatön	16′
Principal amabile	8′
Rohrgedackt	8′
Dolce	8′
Nachthorn	4′
Quinte	2⅔′
´Piccolo	2′
Terz	1³/₅′
Larigot	1⅓′
Septime	1¹/₇′
Fernmixtur	3fach
Vox humana	8′
Clarinette	8′
Tremulant
III Récit (Schwellwierk)
Bordun	16′
Principal	8′
Offenflöte	8′
Gamba	8′
Vox coelestis	8′
Salicional	8′
Flûte céleste	8′^*
Octav	4′
Octavflöte	4′
Blockflöte	2′
Larigot	2⅔′
Cornet	3-4fach
Rankett	16′
Trompette harmonique	8′
Oboe (franz. Bauart)	8′
Cor anglais	4′
Auxiliarwierk^*
Tuba (Héichdrock)	8′
French Horn	8′
Pedall C-f′
Principalbaß	16′
Violonbaß	16′
Subbaß	16′
Bordun (Tr III)	16′
Quinte	10⅔′
Octavbaß	8′
Cello	8′
Großgedackt	8′
Flöte (Tr III)	8′
Prestant	4′
Mixtur	3 fach
Bombarde	32′^*
Bombarde (ext. vum 32′)	16′^*
Posaune	16′
Trompete	8′
Clairon	4′

Auxiliar zum I, II, III a Pedall schaltbar mat Super- a Subkoppele vum respektive Manual Super- a Subkoppelen II an III zu allen anere Wierker an zu sech selwer

Nei säit 1998: Setzerkombinatiounen (1024) a Gruppe schaltbar

^* nei säit 1998 vun der Firma Seifert vun Kevelaer

Kräizwee

De Kräizwee besteet aus 14 Statiounen am Email, déi vum Marc Gimat realiséiert goufen.

Fënsteren

D'Fënstere si vum Otto Linnemann entworf a vum Thomas Schock zesummegesat ginn. Si stelle verschidden Zeenen aus den Evangelien duer, awer och d'Entstoe vun der Häerz-Jesu Veréierung:

D'Visitatioun (zwéin Deeler) iwwer dem lénkse Säitenaltor, deen der Muttergottes geweit ass.
De Jesus als jonken Zammermann mam hellege Jousef (zwéin Deeler) iwwer dem rietse Säitenaltor, deen dem hellege Jousef geweit ass.
De Jesus mam räiche Jüngling.
De Jesus wäscht dem Péitrus d'Féiss.
De Jesus mam Johannes bei der leschter Owesmoolzecht.
D'Häerz vum Jesus gëtt vum de Longinus mat enger Lanz duerchstach.
De Jesus mam Thomas
De Jesus seent d'Kanner.
Jesus, Maria a Martha.
De Jesus seent d'Koppel vu Kana.
De Jesus um Kräiz mat Maria.
De Jesus gëtt bei der Operstéiung vum Maria Magdalena erkannt.
D'Marie Alacoque (net fräi ze gesinn).
De Jesus iwwergëtt dem Péitrus d'Schlësselgewalt (net fräi ze gesinn).

Klacken

Déi dräi Klacke goufe vun der Firma Mabillon (Saarburg) gegoss an den 3. Abrëll 1933 ageweit.

Déi déck Klack nennt sech Häerz Jesu. Si laut an Do Dièse. Baussen drop ass e Bild vum Häerz Jesu mat der laténgescher Widmung Kommt all zu mir, déi dir traureg sidd a schwéier Laaschten ze droen hutt, ech ginn Iech nei Kraaft, Kommt, a loosst ons de Jesus Christus veréieren, de Kinnek vun de Kinneken. Um Bord banne steet: AM Joer 1932 sinn ech gegoss gi mat de Sue vun de Gleewegen an ech gouf geweit zur Éier vum Häerz Jesu. Pätter a Giedel waren den Dr. Joseph Molitor an d'Mme Dupong-Schroeder. D'Klack weit 2.302 kg an ass 1,52 m grouss.

Déi zweet Klack laut am Mi. Si heescht Maria an ass der Muttergottes, der Tréischterin am Leed, geweit. D'Widmung ronderëm ass: All Dag sangen, éieren a bedanken ech mech bei der Kinnigin vum Himmel. Pätter a Giedel waren den Emile Retter an d'Mme Devas-Kluge. D'Klack weit 1.299 kg an ass 1,28 m grouss.

Déi drëtt Klack ass dem hellege Jousef geweit. D'Widmung ass Hellege Jousef, Peiler vun der Famill, Patréiner vun de Stierwenden, biet fir ons!. Pätter a Giedel waren de Pierre Müller-Pierret an d'Mme Nicolas Margue-Moes. Si weit 972 kg, huet eng Gréisst vun 1,14 m a laut am Fa Dièse.

Kuckt och

Um Spaweck

Commons: Kierch Lëtzebuerg-Gare – Biller, Videoen oder Audiodateien