Saint Vincent an d'Grenadinnen

Saint Vincent an d'Grenadinnen
Geographie
Kontinent	Nordamerika
Land	Saint Vincent an d'Grenadinnen
Gehéiert zu	Kleng Antillen, Karibik
Koordinaten	13°0'50,0"N, 61°13'46,6"W
Fläch	389 km²
Héchste Punkt	Soufrière ()
Verwaltung
Haaptuert	Kingstown
Demographie
Awunner	109.897
Awunnerdatum	2017
Liewenserwaardung	73,179 a
Aner Informatiounen
Genannt no	Vincent vu Saragossa
Zäitzon	UTC−4
Internet TLD	.vc
Internat. Telefonsprefix	+1784

Saint Vincent an d'Grenadinnen, op Englesch Saint Vincent and the Grenadines, ass en Inselstaat an der Karibik. D'Haaptstad a gréisst Stad vum Land ass Kingstown.

De Staat ass Member am Commonwealth of Nations an an der Bolivarianescher Allianz fir Amerika.

Geographie

D'Insele leie südlech vu Saint Lucia an nërdlech vu Grenada. Ongeféier 160 km ëstlech läit Barbados.

Den Inselstaat huet eng Gesamtfläch vun 389 km² a begräift d'Insel Saint Vincent an déi nërdlech Insele vun de Grenadinnen, en Ënnerarchipel vun de Klengen Antillen. Déi südlech Grenadinnen, dorënner d'Insele Carriacou a Petite Martinique, gehéieren net zum Staat Saint Vincent an d'Grenadinnen, mä zum Territoire vu Grenada.

Bevëlkerung

Déi geschat Populatioun vum Inselstaat läit bei Awunner.

Déi meescht Vincentianer sinn Nokomme vun afrikanesche Sklaven, déi an d'Regioun bruecht goufen, fir op de Plantagen ze schaffen, souwéi Portugisen an Ostinder, déi op d'Insel koumen, nodeems d'Sklaverei vun de Britten, déi an der Regioun gelieft hunn, ofgeschaaft gouf. Déi gréisst ethnesch Grupp sinn d'Afrikaner (66 %); hannendru komme Leit mat gemëschter Ofstamung (19 %), Ostinder (6 %), Europäer (meeschtens Portugisen (4 %) a karibesch Amerikaner (2 %). Et gëtt eng ëmmer méi grouss Gemeinschaft vu Chineesen am Land.

Geschicht

St. Vincent läit op enger Migratiounsstreck vun Nord- a Richtung Südamerika. D'Insel ass warscheinlech zënter dem 5. Joerdausend v. Chr. op d'mannst zäitweileg bewunnt.

Ufanks vum 17. Joerhonnert gouf d'Insel souwuel vun England wéi och vu Frankräich revendiquéiert. An de Joerzéngten duerno ass d'Kontroll iwwer d'Insel ëmmer nees tëscht den zwee Kinnekräicher an de Karibe gewiesselt. Am Joer 1783 huet Frankräich St. Vincent u Groussbritannien ofgetrueden.

De 27. Oktober 1979 gouf d'Land ënner dem haitegen Numm onofhängeg, ass awer am Commonwealth bliwwen.

Um Spaweck

Commons: Saint Vincent an d'Grenadinnen – Biller, Videoen oder Audiodateien