Carinaniwwel

Carinaniwwel NGC 3372

Stärebild

Carina (Car)

Positioun fir d'Equinoxe J2000.0

Rektaszensioun 10h 43.8m

Deklinatioun - 59° 52'

Ausgesinn

Visuell Magnitude 3,0 mag ^mag

Wénkelduerchmiesser 120 × 120 Bouminutten

Physikalesch Donnéeën

Distanz (Lj) 6.500-10.000

Geschicht

Entdecker Nicolas Louis de Lacaille

Entdeckungsdatum 1751

Katalog- an Entdeckerbezeechnungen

NGC 3372

Dun 309

De Carinaniwwel (NGC 3372), och Eta-Carinae-Niwwel, ass en Emissiounsniwwel am Stärebild Carina. Hien huet eng visuell Magnitude vun +3,00 mag an en Duerchmiesser vun 120 Bouminutten. Den Niwwel ass eng vun de gréissten HII-Regiounen vun eiser Galaxis a läit op enger Distanz vu ronn 6.500 bis 10.000 Liichtjoer vun eiser Äerd ewech. Hien ass iwwer 200-300 Liichtjoer grouss.

De bekanntesten Eenzelobjet am Carina-Niwwel ass de verännerleche Stär η Carinae, deen zum oppene Koup Trumpler 16 gehéiert.

Inhaltsverzeechnes

1 Entdeckung
2 Astronomesch Bedeitung
- 2.1 Objete am Carinaniwwel
3 Kuckt och
4 Um Spaweck

Entdeckung [änneren]

Stellar Noperschaft: Eta Carinae-Niwwel (riets), Kräiz vum Süden (Mëtt), α-Centauri (lénks)

Obschonns den Niwwel en hellen Objet um Nuetshimmel ass – en ass däitlech méi grouss an och méi hell wéi den Orionniwwel – gouf en wéinst senger extrem südlecher Lag relativ spéit dokumentéiert. Eréischt an de Jore 1751-52 huet de Nicolas Louis de Lacaille en op enger Rees op de Kap vun der Gudder Hoffnung beschriwwen. Hie notéiert den Niwwel als Lacaille III.6.

Astronomesch Bedeitung [änneren]

Den Niwwelkomplex läit am Sagittarius-Aarm vun der Mëllechstrooss. Als eng vu de gréissten HII-Regiounen vun der Galaxis stellt de Carina-Niwwel e risegt Stärgenesisgebitt duer, ähnlech dem Orionniwwel. Dofir huet hien divers opee Stärekéip. Dorënner de Koup Collinder 228, 232 an 234, Trumpler 14 bis 16 souwéi Bochum 10 an 11.

Déi meescht Stäre am Niwwel gehéieren zu der Spektralklass O, dorënner déi éischt entdeckte Stäre vum Typ O3. Ausserdeem huet den Niwwel dräi Wolf-Rayet-Stäre vun der Klass WN.

Objete am Carinaniwwel [änneren]

De Schlëssellachniwwel an der Géigend vun η Carinae

Trumpler 16: en oppene Stärekoup, mat dem prominenten Member η-Carinae
Schlëssellachniwwel: en donkelt Fragment vum Carina-Niwwel, dat sech am Zentrum géint hell Regiounen am Hannergrond a Form vun engem Schlëssellach ofzeechent
Homunkulusniwwel: e bipolaren Matièreausworf vun η-Carinae a Form vun zwou géigeniwwerleienden Sphäeren, déi de Stär ëmginn. Den Homunkulusniwwel ass den Iwwerrescht vun engem stellaren Ausbroch, deen de Stär an de 40er Jore vum 19. Joerhonnert zum zweethellste Stär gemaach hat
"Horse-Shoe"-Niwwel (net ze verwiesselen mat dem ähnlich bezeechenten Omeganiwwel): En hufeisenfërmege Rank aus Material, dat vun engem eeleren Matièreausworf vum Eta Carinas staamt. Den Niwwel huet eng Ausdeenung vu ronn 2 Liichtjoer.