Fonds monétaire international

Vu Wikipedia, der fräier Enzyklopedie.

Dësen Economiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Washington D.C., Sëtz vum FMI

De Fonds monétaire international, (FMI), oder Internationale Währungsfong (IWF) ass eng spezialiséiert Organisatioun vun de Vereente Natiounen. Hien huet säi Sëtz zu Washington a gouf 1944, zesumme mat der Weltbank, enger Schwësterorganisatioun, opgrond vun de Beschlëss vu der Konferenz vu Bretton Woods, gegrënnt. De 27. Dezember 1945 huet den FMI seng Aktivitéiten opgeholl.

Déi offiziell Aarbechtssprooch vum FMI ass Englesch.

Inhaltsverzeechnis

1 Organisatioun an Aufgaben
- 1.1 Organen
- 1.2 Generaldirekter an Exekutivdirekteren
2 Zil an Aufgaben
3 Vertriedung vu Lëtzebuerg
4 Literatur
5 Linken
- 5.1 Kuckt och
6 Um Spaweck

[Änneren] Organisatioun an Aufgaben

Joersversammlung vum FMI (1980) D'Gouverneuren vu Lëtzebuerg (Ernest Mühlen (l.) a Pierre Werner (r.))

[Änneren] Organen

Rot vun de Gouverneuren. All Land bezeechent e Gouverneur an e Vizegouverneur, déi all Joer un der Joeresversammlung vum FMI deelhuelen.
Internationalen Währungs- und Finanzausschoss (IMFC)
Exekutivdirektorium
Internen Evaluatiounausschoss

Den FMI huet ogeféier 2.680 Mattarbëschter aus 184 Länner.

[Änneren] Generaldirekter an Exekutivdirekteren

Den IMF get vun engem Generaldirekter (Managing Director), deen och de Exekutivdirektorium presidéiert, geleet. Opgrond vun enger Ofmachung tëschent den USA a verschiddene westeuropäesche Länner ass de Generaldirekter vum FMI ëmmer en Europäer, während d'Weltbank an der Regel vun engem Amerikaner geleet get.

D'Generaldirekteren vum FMI gëscht an haut
- 1946–1951 – Camille Gutt
- 1951–1956 – Ivar Rooth
- 1956–1963 – Per Jacobsson
- 1963–1973 – Pierre-Paul Schweitzer
- 1973–1978 – H. Johannes Witteveen
- 1978–1987 – Jacques de Larosière
- 16. Januar 1987 bis 14. Februar 2000 – Michel Camdessus
- 1. Mee 2000 bis 4. Mäerz 2004 – Horst Köhler
- Anne O. Krueger (provisorësch)
- zënter Mee 2004 – Rodrigo Rato

Den Exekutivdirektorioun setzt sech aus dem Generaldirekter a 24 Exekutivdirekteren zesummen, déi vun de Memberlänner gewielt ginn. Nëmmen déi grouss Länner, wéi China, Däitschland, Groussbritannien, Frankräich a Russland verfügen iwwer genuch Stëmmen fir hiren eegenen Exekutivdirekter ze bestëmmen. Déi aner Länner musse sech a sougegannten constituencies (Gruppen) zesummenschléissen fir opgrond vun internen Ofmachungen e Vertrieder an den Exekutivdirektorium kënnen ze schecken.

[Änneren] Zil an Aufgaben

[Änneren] Vertriedung vu Lëtzebuerg

Gouverneur fir Lëtzebuerg beim Fonds monétaire international ass de Premierminister Jean-Claude Juncker. Säi Stellvertrieder ass de President vu der Banque Centrale du Luxembourg (BCL) Yves Mersch.
Lëtzebuerg gehéiert zu engem Lännergrupp (constituency), deem:
- Éisträich
- Wäissrussland (Belarus)
- d'Belsch
- Tschechien
- Kasachstan
- Lëtzebuerg
- d'Slowakei
- Slowenien
- Tierkei an
- Ungarn ugehéieren
an deen duerch den Exekutivdirekter Willy Kiekens (Belsch) a säi Stellvertrieder Johann Prader (Éisträich) am Exekutivdirektorium vum FMI vertrueden ass.