Pierre Werner

Vu Wikipedia
Wiesselen op: Navigatioun, sichen
De Pierre Werner

De Pierre Werner, gebuer den 29. Dezember 1913 zu Lille a gestuerwen de 24. Juni 2002 an der Stad, war e lëtzebuergesche Politiker. Hie gëllt als ee vun de "Pappen" vum Euro.

No sengem Studium, tëscht 1934 an 1937, zu Paräis (Droit a Politikwëssenschaft) huet hie bei der Banque Générale du Luxembourg geschafft.

1945 gouf hie "Commissaire au contrôle des banques". Vun 1953 bis 1959 war hien, an der Regierunge Bech a Frieden, Finanz- an Arméiminister.

Den 2. Mäerz 1959, nom Doud vum Pierre Frieden, gouf de Pierre Werner Premierminister, Staats- a Finanzminister. Tëscht 1959 an 1984 war hie vun do un, mat Ausnam vun de Joren 1974-1979, Regierungschef vu verschiddene Koalitiounsregierungen, an hat zousätzlech, jee nodeem, d'Portefeuillën Aussebezéiungen, Finanzen, Justiz, Fonction publique an/oder Kultur.

1970 huet hien e Plang ausgeschafft (de soug. Werner-Plang), en éischte Versuch fir eng europäesch Währungsunioun ze schafen. Dëse gouf awer, wéinst de wirtschaftleche Problemer an Europa vun der Mëtt vun de 1970er Joren un, fale gelooss, a gouf eréischt 1985 mam Delors-Plang ërem opgeholl. Dëse sollt dann och zu der Grënnung vun der Europäescher Wirtschaftsunioun a spéider zum Aféiere vum Euro féieren.

1984 ass hien net méi bei de Chamberwalen ugetratt. Hie war tëscht 1985 a 1987 President vum Verwaltungsrot vun der CLT an hie war vun 1989 bis 1996 President vun der SES un der hirer Grënnung hie maassgeeblech bedeelegt war.

De Pierre Werner ass de 24. Juni 2002 an der Stad Lëtzebuerg verscheet.

Hien ass de Papp vum Jean Werner.

Wierker[änneren | Quelltext änneren]

  • Werner, Pierre: Itinéraires luxembourgeois et européens, évolutions et souvenirs, 1945-1985 (Tome 1 et Tome 2), Luxembourg, 1991. (seng Mémoiren)
  • Mühlen, Ernest a Werner, Pierre: Les finances communales, Cahiers économiques, n. 4, Banque Internationale à Luxembourg, Luxembourg, pp. 1–29, 1975
  • Danescu, Elena Rodica. Bibliographie de Pierre Werner, CVCE, Luxembourg, 2012.

Literatur[änneren | Quelltext änneren]

  • Haag, Emile: Pierre Werner *1913 2002, le maître d'oeuvre de l'économie luxembourgeoise contemporaine In: Une réussite originale - Le Luxembourg au fil des siècles (Ss 494-499); Lëtzebuerg (Éditions Guy Binsfeld), 2011; 576 Säiten (ill.); ISBN 978-2-87954-235-5

Kuckt och[änneren | Quelltext änneren]

Um Spaweck[änneren | Quelltext änneren]

Commons: Pierre Werner – Biller, Videoen oder Audiodateien