Hubert Loutsch

Vu Wikipedia
Wiesselen op: Navigatioun, sichen

Den Hubert Loutsch gebuer de 6. November 1878 zu Monnerech, a gestuerwen de 24. Oktober 1946 zu Bréissel, war e lëtzebuergesche Politiker a Jurist.[1]

Den Hubert Loutsch war vu Beruff Affekot.

De 6. November 1915 gouf hie Staatsminister a Regierungspresident, an och Generaldirekter (d. h. Minister) fir Aussebezéiungen. D'Regierung Loutsch bestoung nëmmen aus Membere vun der Rietspartei, an der Chamber awer waren d'Gauche an der Majoritéit. Doropshin huet d'Groussherzogin Marie-Adélaïde d'Chamber kuerzerhand den 23. Dezember 1915 opgeléist. Mä och an där neier Chamber hat d'Rietspartei keng Majoritéit. Den 11. Januar 1916 gouf d'Regierung vum Loutsch bei enger Vertrauensofstëmmung desavouéiert; de Victor Thorn gouf de 24. Februar 1916 säin Nofolger.

Vun 1920 bis 1934 war hie President vun der Assurancegesellschaft La Luxembourgeoise.

Bei de Chamberwale vum 1. Mäerz 1925 gouf hien als Vertrieder vun der Union nationale indépendante als Deputéierten an d'Chamber gewielt an hie konnt säi Mandat bis 1934 behalen.

Hien ass 1946 zu Bréissel gestuerwen.

Gielecher [1][änneren | Quelltext änneren]

Kuckt och[änneren | Quelltext änneren]

  • 1,0 1,1 [htt p://www.eluxemburgensia.lu/BnlViewer/view/index.html?lang=fr#panel:pp|issue:799168|article:DTL407|query:hubert%20loutsch Doudesannonce vum Hubert Loutsch am Luxemburger Wort]