Angström (Moundkrater)

Angström

D'Moundkrateren Angström a Krieger (LROC-WAC)
Koordinaten	29°54'0"N, 41°40'12"W
Duerchmiesser	9,55 km
Déift	2.030 m
Selenographesch Längt	42° bei Sonnenopgank
Genannt no	Anders Jonas Ångström
Genannt am Joer	1935
Moundvéiereck	LQ11

Den Angström ass e klengen Aschlagkrater op der nordwestlecher viischter Moundsäit um Flaachland vum Oceanus Procellarum. Südlech stinn d'Harbinger-Bierger an d'Hiwwelkette vun de Rimae Prinz iwwer d'Fläch vum Moundozean eraus, souwéi am Osten d'Héichzich vum Dorsum Bucher an Dorsum Argand. Am Weste läit de Krater Krieger.

Dem kreesronne, schosselfërmege Krater seng Buedemfläch huet keng bedeitend Opfällegkeeten. De Kraterrand gëtt vun e puer klengen Aschléi ënnerbrach. D'Wänn déi no bannen offalen hunn eng méi héich Albedo wéi d'Maria ronderëm.

Lëscht vun den Niewekrateren

Buschtaf/Numm	Positioun	Duerchmiesser	Link
A	30,89° N, 41,16° W7	6 km	[1]
B	31,76° N, 44,19° W7	6 km	[2]

De Krater gouf 1935 vun der I.A.U. nom schweedesche Physiker Anders Jonas Ångström genannt.

Kuckt och

Portal Astronomie

• Lëscht vun de Maria um Äerdmound
• Lëscht vun Däller um Äerdmound
• Lëscht vun den Äerdmoundkrateren
• Lëscht vu Rillestrukturen um Äerdmound
• Lëscht vu Bierger um Äerdmound
• Südpol-Aitken-Becken

De Krater Angström opgeholl vun Apollo 15 (NASA Foto)

Um Spaweck

• De Krater Angström am "Digital Lunar Orbiter Photographic Atlas of the Moon"
• Moundkaart Nr 39: De Krater Angström läit uewen an der Mëtt