Charlotte Engels
| Charlotte Engels | |
|---|---|
| Gebuer |
21. Februar 1920 Lëtzebuerg |
| Gestuerwen |
28. Oktober 1993 Issy-les-Moulineaux |
| Nationalitéit | Lëtzebuerg |
| Aktivitéit | Sculpteur, Moler, Graphiker |
 | |
D'Charlotte Jeanne Engels, gebuer den 21. Februar 1920 an der Stad Lëtzebuerg a gestuerwen den 28. Oktober 1993 zu Issy-les-Moulinaux, war eng lëtzebuergesch Sculptrice, Molerin a Graphikerin.
D'Charlotte Engels huet zanter 1954 zu Paräis gelieft. Si huet ë. a. och Medailen, Mënzen, Timberen a Geldschäiner entworf.
1952 huet si de Prix Grand-Duc Adolphe kritt.
Zu Eech an der Stad Lëtzebuerg krut eng Strooss, d'rue Charlotte Engels, der Kënschtlerin hiren Numm.
Wierker
- Skulptur L'envol beim Fluchhafe Lëtzebuerg um Findel (gouf 2003 ewechgeholl an 2010 erëm opgeriicht)[1]
- Skulptur La famille um Kierchbierg
- Skulptur La porteuse d'eau am SEBES-Gebai zu Esch-Sauer
- Buste am Bronz vum Groussherzog Jean am Chamber-Gebai an der Stad Lëtzebuerg
- Buste am Bronz vum Pierre Teilhard de Chardin am Muséum national d'histoire naturelle zu Paräis
- Relief vun enger Kräizegungsszene an der Mëtt vum Haaptaltor (a Kräizwee?) an der Kierch zu Steenem
- Wopen iwwer dem Haaptportal vun der Basilika zu Iechternach
- Medail xxx' anniversaire de l'appel du 18 juin 1940 (1970)
- Medail Populorum progressio (1970)
- Medail Dmitri Mendelïev (1974)
- Medail Hommage à Jean Meybeck (1975)
- Medail Spinoza - DEUS SIVE NATURA (1979)
Gielchen
- Officier vum Ordre de Mérite du Grand-Duché de Luxembourg (Promotioun 1974)[2]
Literatur
- Eischen, Linda, 2010. La Collection Luxembourgeoise du Musée National d'Histoire et d'Art: Charlotte Engels. ons stad 94: 65-67. PDF
Kuckt och
Referenzen
- ↑ wort.lu:Findel-Wahrzeichen wird wieder aufgestellt
- ↑ Pour leurs mérites dans le domaine culturel op der Säit 3 vum Luxemburger Wort vum 26. Juni 1974 op eluxemburgensia.lu gekuckt de 24. Dezember 2022